Árni Friðriksson, rannsóknaskip Hafrannsóknastofnunar, er nú statt norðaustur af landinu við Langanesdjúp og er unnið að því að afla upplýsinga í þeim tilgangi að geta lagt mat á magn og útbreiðslu norsk-íslenskrar síldar og annarra uppsjávartegunda í Austurdjúpi og á Austur- og Norðausturmiðum.

Í leiðangrinum er einnig ástand hafsins og vistkerfisins kannað og felst í því meðal annars hita- og seltustigsmælingar auk þess sem reynt er að meta átumagn. Þá eru líffræðingar á vegum Háskóla Íslands um borð og sinna þeir talningu og skráningu sjávarspendýra með áherslu á auknar rannsóknir á andarnefju.

Ljósmynd/Hafrannsóknastofnun

Fram kemur í tilkynnignu á vef stofnunarinnar að leiðangurinn „Vistfræði Austurdjúps“ hófst 4 maí síðastliðinn og að hann muni standa yfir í 20 daga. „Leiðangurinn er skipulagður af vinnuhóp á vegum Alþjóða hafrannsóknaráðsins (ICES) en auk rannsóknaskipsins Árna Friðrikssonar, taka rannsóknaskip frá Noregi, Færeyjum, Danmörku og Bretlandi þátt í verkefninu. Áætlað er að leiðangurinn muni taka 20 daga.“

Árlega hefur verið farið í þennan leiðangur frá árinu 1995 og eru niðurstöður hans meiðal annars eina mikilvægustu tímaröð bergmálsmælinga sem notaðar eru við stofnmat og veiðiráðgjöf norsk-íslenska síldarstofnsins innan Alþjóða hafrannsóknaráðsins, að því er fram kemur í tilkynnignunni.

Tengdar fréttir

Hafrannsóknastofnun

Hafa kortlagt um sex þúsund ferkílómetra

• Vísar gagnrýni á togararall á bug
• Telur stærð nytjastofna stórlega vanmetna
• „Allir um borð eru afskaplega hjálplegir“
• Samstarfssamningur Hafró og NMSÍ undirritaður

» Fleiri tengdar fréttir

• Blogga um frétt