Ferja og fiskiskip losnuðu frá bryggju

Ferja og fiskiskip losnuðu frá bryggju á Þorlákshöfn í morgun og voru viðbragðsaðilar ræstir út til að aðstoða við aðgerðir. 

Útkall barst björgunarsveitum á svæðinu um klukkan hálf átta í morgun. 

Benjamín Ómar Þorvaldsson, starfandi hafnarstjóri, segir að skipin séu komin aftur upp að bryggjunni og tekist hafi að binda þau að nýju. 

Hann segist ekki geta skýrt hvað hafi valdið þessu, landfestarnar hafi slitnað sem er allóvanalegt í blíðu og sumarveðri en komi fyrir í mestu haustlægðunum. 

Þá sé sjávarstaðan há og bræla úti fyrir höfninni. Sjór hafi gengið upp á bryggjuna í morgun.

Fréttin hefur verið uppfærð.

• Blogga um frétt