Staðfest hefur verið að meinvirkt afbrigði ISA-veirunnar sem getur valdið blóðþorra í laxi hefur greinst í sýnum úr laxi á tveimur kvíabólum Ice Fish Farm í Berufirði, það er Hamraborg og Svarthamarsvík. Fiski verður slátrað upp úr kvíunum og fjörðurinn hvíldur. Þegar því verki lýkur hefur þurft að slátra nokkrum milljónum laxa, úr öllum kvíum fyrirtækisins á helstu eldissvæðunum, Reyðarfirði og Berufirði.

Fyrirtækið vinnur nú að áætlunum um eldi á næstu árum. Kvíabólin verða rekin sjálfstætt og stefnt er að því að hefja bólusetningu gegn ISA. Jens Garðar Helgason aðstoðarforstjóri segir að sýkingin setji strik í reikning fyrirtækisins en verið sé að setja út mikið af seiðum þannig að slátrun ætti að komast á gott skrið seinni hluta næsta árs.

Lesa má nánar um málið í Morgunblaðinu í dag. 

Tengdar fréttir

Fiskeldi

„Margt hefur nú ekki beinlínis verið til fyrirmyndar“

• Segir nýtt frumvarp gefa eldisfyrirtækjum auðlindir
• Laxey fær sex milljarða
• Fjárfestingin 115 milljarðar króna
• Bátur Arnarlax verður fyrsti sinnar tegundar

» Fleiri tengdar fréttir