Síldarvinnslan hf. hefur keypt 34,2% hlut í norska laxeldisfyrirtækinu Arctic Fish Holding AS. Gerðu Síldarvinnslan og Bremesco Holding Limited samkomulag ásamt hópi hluthafa. Kaupverðið var rúmur einn milljarður norskra króna, eða sem nemur um 13,7 milljörðum íslenskra króna.

Þetta kemur fram í tilkynningu frá Síldarvinnslunni.

Leiðandi laxeldisfyrirtæki hérlendis

Arctic Fish Holding er skráð í Euronext Growth Market í Osló og á 100% hlutafjár í Arctic Fish ehf. en það félag rekur eldisstöðvar á Vestfjörðum og er þar af leiðandi mjög virkt af þeim laxeldisfyrirtækjum sem eru hér á landi. 

„Laxeldi er ört vaxandi atvinnugrein sem við höfum fylgst með á undanförnum árum. Aukið fjármagn og þekking hefur komið inn í greinina á síðustu árum og við teljum vera mikil tækifæri til staðar,“ er haft eftir Gunnþóri Ingvasyni, forstjóra Síldarvinnslunnar, í tilkynningu.

„Við kaupum rúmlega þriðjungshlut í Arctic Fish Holding AS, sem er í meirihlutaeigu norsks fiskeldisfyrirtækis þar sem er mikil þekking og reynsla í greininni. Við fögnum því að fá tækifæri til að vinna með þeim við eflingu félagsins.

Félagið hefur metnaðarfull áform og hefur verið í miklum fjárfestinga- og uppbyggingarfasa á síðustu árum. Við sjáum tækifæri í auknu samstarfi fiskeldisfyrirtækja á svæðinu.“

Tengdar fréttir

Fiskeldi

„Margt hefur nú ekki beinlínis verið til fyrirmyndar“

• Segir nýtt frumvarp gefa eldisfyrirtækjum auðlindir
• Laxey fær sex milljarða
• Fjárfestingin 115 milljarðar króna
• Bátur Arnarlax verður fyrsti sinnar tegundar

» Fleiri tengdar fréttir

Síldarvinnslan

Samfélagsspor Síldarvinnslunnar yfir 10 milljarðar

• Þorsteinn Már skaut föstum skotum á SKE
• Síldarvinnslan með 10 milljarða hagnað
• SKE fer offari
• SKE rannsakar Samherja og Síldarvinnsluna

» Fleiri tengdar fréttir

• Blogga um frétt