Svandís Svavarsdóttir matvælaráðherra hefur kynnt drög breytingum á reglugerð um hvalveiðar í samráðsgátt stjórnvalda sem myndu stórauka eftirlit með hvalveiðum á Íslandi. 

Í reglugerðardrögunum er lagt til að skipstjórar hvalveiðiskipa skuli tilnefna dýravelferðarfulltrúa úr áhöfn fyrir hvert skip og skal hann bera ábyrgð
á því að rétt sé staðið að velferð hvala við veiðarnar.

Ekki sá sami og beitir skutli

Þá má dýravelferðarfulltrúinn ekki vera sá sami og beitir skutli við veiðar. 

Þá er lagt að dýravelferðarfulltrúar skuli sækja námskeið sem samþykkt skal vera af Matvælastofnun. Slíkt námskeið skal að lágmarki vera fræðsla um virkni sprengiskutuls, beitingu hans og beitingu skotvopna.

Þá kæmi það í hlut dýravelferðarfulltrúa að halda skrá fyrir allar aðgerðir er varða veiðarnar og mynda þær á myndband.

„Öllum gögnum sem velferðarfulltrúi áhafnar hvalveiðiskips safnar saman skal komið til eftirlitsdýralæknis eftir hverja veiðiferð,“ segir í reglugerðardrögunum. 

Tengdar fréttir

Hvalveiðar

Gefur ekkert upp um leyfi til hvalveiða

• Telur tvískinnung í umræðu um hvalveiðar
• Bíður eftir gögnum áður en hún tekur ákvörðun
• „Tíminn er runninn út fyrir Kristján Loftsson“
• Þrýst á ráðherra að veita veiðileyfi

» Fleiri tengdar fréttir

• 1 blogg um fréttina

Bloggað um fréttina

• Benedikt V. Warén: Á hvaða vegferð er Eftirlitsgrúppur ríkisins?