Síldarvinnslan hf. í Neskaupstað hefur keypt allt hlutafé sjávarútvegsfyrirtækisins Vísis hf. í Grindavík fyrir 20 milljarða króna. Vaxtaberandi skuldir Vísis hf. nema um 11 milljörðum króna og nema viðskiptin því samtals um 31 milljarði króna.

Vaxtaberandi skuldir Vísis nema um 11 milljörðum króna og nema viðskiptin því samtals um 31 milljarði króna.

Síldarvinnslan og Vísir eru sammála um að með viðskiptunum sé staða beggja félaga styrkt til framtíðar, að því er fram kemur í tikynningu frá Síldarvinnslunni til Kauphallarinnar. Vísir verði rekið sem dótturfélag Síldarvinnslunnar.

Útlit fyrir að heimildir verði yfir viðmiðunarmörkum

Verði viðskiptin staðfest af hluthafafundi Síldarvinnslunnar hf. og Samkeppniseftirlitinu er útlit fyrir að núverandi fiskveiðiheimildir Síldarvinnslunnar hf. verði lítillega yfir gildandi viðmiðunarmörkum, segir í tilkynningunni. Komi til þess hefur félagið sex mánuði til að laga sig að þessum viðmiðum.

Veiðiheimildir í uppsjávartegundum, einkum loðnu, eru breytilegar milli ára og hafa því óhjákvæmilega áhrif á kvótaþak frá ári til árs. Tekur Síldarvinnslan fram að enn ríki óvissa um úthlutanir í aflaheimildum uppsjávarfisks á næsta ári.

Höfuðstöðvar bolfiskvinnslu Síldarvinnslunnarverða hjá Vísi í Grindavík og verður Pétur Hafsteinn Pálsson áfram framkvæmdastjóri Vísis.

Tengdar fréttir

Síldarvinnslan

Margir bíða spenntir eftir jólasíldinni

• 8,6 milljarða hagnaður á 9 mánuðum
• Staðan í Grindavík hafi ekki áhrif á útgerð
• Sigurður Álfgeir til liðs við Síldarvinnslunna
• „Verða afar spenntir og byrja að sleikja út um“

» Fleiri tengdar fréttir

• Blogga um frétt