„Eins og sena úr Verbúðinni“
Setja bókamerki
Tengdar fréttir
Fiskveiðistjórnunin
Dagur B. Eggertsson borgarstjóri segir að fréttir og viðtöl af kaupum Síldarvinnslunnar á Vísi í Grindavík séu eins og sena úr Verbúðinni. Gagnrýnir hann stjórnvöld fyrir að láta umræðu takmarkast við kvótaþak og samkeppnissjónarmið í færslu á Facebook í dag.
„Meðfylgjandi greining á kaupverðinu bendir eindregið til þess að kaupverðið taki EKKI mikið mið af rekstri eða rekstrarárangri Vísis heldur skýrist fyrst og fremst af hlutdeild Vísis í þorskkvótanum - einmitt, kvótanum sem er eða á að heita þjóðareign,“ skrifar Dagur.
„Ekkert að marka fyrirheit stjórnmálanna“
Helstu fyrirtæki í sjávarútvegi séu þar með að lýsa yfir því að ekkert sé að marka „orð og fyrirheit stjórnmálanna“ um að innheimta eigi eðlilegan arð af auðlindinni, þannig að þeir fjármunir renni til þjóðarinnar og að engar breytingar séu á því líklegar.
„Á sama tíma horfum við upp á vanfjármagnað heilbrigðis- og velferðarkerfi án þess að lausnir á því séu í sjónmáli. Er eðlilegt að viðbrögð stjórnmálanna takmarkist við umræðu um kvótaþak og samkeppnissjónarmið? Á þetta bara að vera svona?,“ spyr Dagur.
Síldarvinnslan festi fyrr í vikunni kaup á útgerðarfélaginu Vísi í Grindavík. Kaupin eru háð samþykki Samkeppniseftirlitsins og hluthafafundar en því hefur verið lofað að starfsemin verði áfram í Grindavík.
Tengdar fréttir
Fiskveiðistjórnunin
„Þetta er pínu óvanaleg staða“
Katrín: Jóhönnustjórnin talaði máli Íslands
Lögreglan rannsakar andlát konu í fjölbýlishúsi
Sáttur við sína stöðu og finnur fyrir meðbyr
Búið að bólusetja börn alla helgina
Biðst afsökunar með heilsíðuauglýsingu
Íslendingar ein mest einmana þjóð heims
Fara ekki lengur fram á einangrun yfir Davíð