Eyjólfur Ármannsson, þingmaður Flokks fólksins í Norðvesturkjördæmi, segir vonbrigði að strandveiðar hafi verið stöðvaðar og hefur farið fram á að þingmenn Norðvesturkjördæmis fundi með Svandísi Svavarsdóttur matvælaráðherra í þeim tilgangi að finna leiðir til að geta komið strandveiðum aftur af stað.

Þetta kemur fram í fréttatilkynningu frá þingflokki Flokks fólksins.

Aldrei hefur verið jafn miklum aflaheimidlum verið ráðstafað í strandveiðar, en þær kláruðust 21. júlí. Strandveiðisjómenn hafa til þessa landað 12.567 tonnum, þar af tæplega 10.982 þúsund tonn af þorski. Á svæði A (Vestfirðir og Snæfellsnes) hefur verið landað tæplega 6.950 tonnum eða 55,3% alls strandveiðiafla, en það er jafnframt mesti afli sem landað hefur verið á svæðinu frá upphafi strandveiða.

„Stöðvun strandveiða svo snemma á veiðitímabilinu veldur miklum vonbrigðum. Hún hefur mikil áhrif á sjávarbyggðir kjördæmisins, sem verða fyrir búsifjum vegna stöðvunarinnar, sem og strandveiðimenn og fjölskyldur þeirra.  Stöðvun strandveiða hefur mikil áhrif á byggð í Norðvesturkjördæmi. Margar þessara byggða eru brothættar byggðir sem treysta á að strandveiðar verði leyfðar út sumarið,“ segir Eyjólfur í tilkynningu Flokks fólksins.

„Að mínu mati eiga íbúar kjördæmisins - sjávarbyggðanna og strandveiðimenn - það inni hjá okkur þingmönnum  kjördæmisins  að við fundum með ráðherra um málið og reynum í sameiningu að finna lausn á málinu,“ segir hann að lokum.

Frétt af mbl.is

Harma að strandveiðar verði stöðvaðar

Tengdar fréttir

Strandveiðar

Vilja fækka veiðidögum úr 12 í 10

• Niðurnjörvuð lög um strandveiðar
• Fáar vísbendingar um bættar strandveiðar
• Strandveiðisjómenn hrekjast frá heimabyggð
• Biðja Bjarkeyju um að bjarga vertíðinni

» Fleiri tengdar fréttir

• Blogga um frétt