Hoffell SU-80 er nú á leið til Fáskrúðsfjarðar með 1.300 tonn af makríl. Um er að ræða stærsta farm skipsins það sem af er vertíð, en síðast landaði Hoffell 1.100 tonnum þann 22. júlí.

Fram kemur á vef Loðnuvinnslunnar, sem gerir skipið út að veiðin hafi gengið vel og að aflinn hafi fengist á tveimur og hálfum sólarhring. Veiðiferðin er þó nokkuð lengri enda 600 sjómílur á miðin frá Fáskrúðsfirði. Hoffell hefur á vertíðinni borið að landi 2.100 tonn en með þeim afla sem nú er á landleið hefur tekist að veiða 3.400 tonn.

Gert er ráð fyrir að skipið haldi aftur á miðin um leið og löndun lýkur.

Tengdar fréttir

Makrílveiðar

Munu reyna til hins ýtrasta að ná samkomulagi

• Samkomulag um ráðgjöf en ekki um veiði
• Leggja til 24% samdrátt í síldarkvóta
• Vilja viðskiptaaðgerðir gegn Noregi og Færeyjum
• „Við höfum ekkert gaman af svartsýni“

» Fleiri tengdar fréttir

• Blogga um frétt