Fóðurverksmiðjan sem Síldarvinnslan og BioMar hafa nú til skoðunar að reisa mun kosta um 50 til 70 milljónir bandaríkjadali, jafnvirði um 7 til 10 milljarða króna.

Þetta upplýsir Gunnþór Ingvason, forstjóri Síldarvinnslunnar. Hann segir áætla megi að reksturinn muni þurfa 30 til 40 starfsmenn auk annarra starfa sem skapast óbeint.

Verksmiðjunni er ætlað að nýta vörur Síldarvinnslunnar til framleiðslu á fóðri fyrir fiskeldi sem vaxið hefur ört á undanförnum árum og mun vaxa frekar á næstunni. Meðql markmiða er að framleiðslan sé með eins litla kolefnislosun og kostur er á, mun hún nýta umhverfisvæna orku.

Staðsetning verksmiðjunnar er óráðin en farið verður í þá vinnu og verður lagt mat á hagkvæmustu staðsetningu með tilliti til aðfanga og uppbyggingu eldsins, að sögn Gunnþór. „Niðurstaða úr þeirri vinnu liggur ekki fyrir, en þetta munum við vinna sameiginlega með Biomar á næstu mánuðum.“

Frétt af mbl.is

Síldarvinnslan vill reisa fóðurverksmiðju

Tengdar fréttir

Síldarvinnslan

Samfélagsspor Síldarvinnslunnar yfir 10 milljarðar

• Þorsteinn Már skaut föstum skotum á SKE
• Síldarvinnslan með 10 milljarða hagnað
• SKE fer offari
• SKE rannsakar Samherja og Síldarvinnsluna

» Fleiri tengdar fréttir

• Blogga um frétt