Friðjón Ingi Guðmundsson segir strandveiðar ekki eins rómantískar og margir halda. „Sumir sjá fyrir sér roskinn sjómann halda út á miðin í lopapeysu í góða veðrinu við sólarupprás, en raunin er að þetta er hörkuvinna og dagurinn byrjar iðulega klukkan fjögur eða fimm á morgnana. Tekur þá við að leita að fiskinum og getur leitin varað fram eftir degi.“

Í síðasta blaði 200 mílna segir Friðjón Ingi, sem gerir út bátinn Fíurún SH-13 frá Stykkishólmi, frá því að strandveiðar sumarsins hafi gengið ágætlega sumar og hefði hann gjarnan viljað fá að fiska lengur en til 21 júlí, þegar strandveiðipotturinn kláraðist.

Friðjón Ingi gerir út Fíurún SH-13. Ljósmynd/Aðsend

„Það kom kannski aldrei almennilegt sumar en það viðraði ágætlega til fiskveiða hér hjá okkur í Breiðafirðinum og við náðum flestum veiðidögunum okkar. Svo kláraðist heildarpotturinn, og það þrátt fyrir að stjórnvöld hefðu bætt við pottinn,“ segir Friðjón Ingi.

Hann segir nýafstaðna vertíð hafa sýnt vel ókosti þess að skipta strandveiðikerfinu upp í fjögur svæði og telur þurfa að gera strandveiðikerfið einfaldara og sanngjarnara.

Viðtalið má lesa í heild sinni í 200 mílum, sérblaði Morgunblaðsins um sjávarútveg.

Tengdar fréttir

Fólkið í sjávarútvegi

„Það er mjög gott að róa frá Grindavík“

• Fjölskyldufyrirtæki á Árskógssandi ruddi brautina
• „Leggjum línuna hvenær sem veður leyfir“
• Skipstjórinn á Geir lætur vel af aflabrögðunum
• Hættir eftir 32 ár við Slysavarnaskóla sjómanna

» Fleiri tengdar fréttir

Strandveiðar

Fáar vísbendingar um bættar strandveiðar

• Strandveiðisjómenn hrekjast frá heimabyggð
• Biðja Bjarkeyju um að bjarga vertíðinni
• „Ráðherra lætur sig engu skipta álit þjóðarinnar“
• Fordæma vinnubrögð og mótmæla tillögum

» Fleiri tengdar fréttir