Landhelgisgæslan stendur í tilraunaverkefni um þessar mundir sem gengur út á að kanna hvort og með hvaða hætti þyrludróni gæti gagnast Landhelgisgæslunni við leit, björgun og eftirlit á hafinu.

Verkefnið er unnið í samstarfi við Siglingaöryggisstofnun Evrópu, ESMA og ISAVIA, en undanfarna mánuði hefur dróninn verið gerður út frá varðskipum Landhelgisgæslunnar, að því er fram kemur í tilkynningu. 

Prófun þessa dróna er einn liður Landhelgisgæslunnar í því að auka viðbragðsgetuna umhverfis landið. 

Búin öflugum búnaði

Þyrludróninn sem um ræðir er af gerðinni Schiebel's CAMCOPTER S-100 og getur hann flogið bæðu á nóttu og degi. Kemst hann rúmlega 200 kílómetra frá varðskipinu og getur verið í loftinu í allt að 10 klukkustundir. Þá getur dróninn flogið í allt að 1800 feta hæð.

Fram kemur að dróninn er búin öflugum búnaði, þar á meðal myndavél sem er hægt að streyma úr beint í stjórnstöð Landhelgisgæslunnar og um borð í varðskipin. Þá var sérstakur pallur settur saman á þilfari varðskipanna svo að dróninn geti lent og tekið á loft.

Dróninn og pallurinn sem var settur saman á þilfari varðskipanna. Ljósmynd/Landhelgisgæslan

Tengdar fréttir

Landhelgisgæslan

Annasamt hjá áhöfnum Landhelgisgæslunnar

• Eina tilboðið í slipptöku Freyju ógilt
• Bráðvantar bryta á Freyju
• Áhöfn Freyju boðið í skötu í Guðmundarbúð
• Varðskipið nötraði

» Fleiri tengdar fréttir

• Blogga um frétt