Stefna á að ná gröfunni upp á bryggju í dag

Vinna við að rétta af dýpkunarprammann Svavar sem sökk í Rifshöfn á Snæfellsnesi, og hífa upp á bryggju 70 tonna gröfuna sem á honum situr, hófst í morgun. 

Björn Arnaldsson, hafnarstjóri Snæfellsbæjar, segir stóran krana hafa komið í nótt og vinna við verkið hafi byrjað strax klukkan átta í morgun.

Hann sagði verkið hafa gengið vel framan af degi en var þó ekki klár á því hvort að búið væri að ná gröfunni upp enda var hann staddur á fundi þegar blaðamaður náði af honum tali. Markmiðið væri þó að ná vinnuvélinni upp í dag.

Dýpkunarpramminn byrjaði að sökkva aðfaranótt mánudags. mbl.is/Alfons

Frétt af mbl.is

Dýpkunarprammi sekkur á Rifi

Frétt af mbl.is

Þurfa heimild Vegagerðar til að flytja kranana

Vinnuskúrar, geymslur og díselrafstöð um borð

Aðfaranótt mánudags uppgötvaðist að dýpkunarprammi í Rifshöfn væri byrjaður að sökkva. 

Pramm­inn er í eigu Hagtaks. Hann var byggður í Hollandi 1995, er af gerðinni Con­float og ber nafnið Svavar. Hann er sett­ur sam­an af níu ein­ing­um sem boltaðar eru sam­an. Um borð eru vinnu­skúr­ar, geymsl­ur og dísel­raf­stöð, auk 70 tonna gröfu.

Að sögn Björns verður næsta mál á dagskrá, þegar búið er að rétta prammann af og ná gröfunni upp, að skoða ástandið á prammanum og leita skýringa á því hvers vegna sjór lak inn í hann.

• Blogga um frétt