Jón nýr stjórnarformaður og hluthafi HPP Solutions

Jón Sigurðsson er nýr stjórnarformaður og hluthafi HPP Solutions sem …
Jón Sigurðsson er nýr stjórnarformaður og hluthafi HPP Solutions sem nú er orðið sjálfstætt félag að fullu. Ljósmynd/HPP Solutions

Jón Sigurðsson hefur tekið við sem stjórnarformaður HPP Solutions ehf. samhliða kaupum á eignarhlut í félaginu, að því er fram kemur í fréttatilkynningu. Félagið var lengi dótturfélag Héðins en er nú orðið sjálfstætt félag að fullu leiti og hafa eignarhlutir verið afhentir hluthöfum Héðins.

Jón lét af störfum hjá stoðtækjaframleiðandanum Össuri þann 1. apríl á þessu ári eftir 26 ár sem forstjóri. „Þetta er spennandi verkefni. Tækni HPP talar sterkt inn í samtíma okkar þar sem krafan er eðlilega sú að við umgöngumst auðlindir náttúrunnar af virðingu. Þau fyrirtæki sem nýta sér lausn HPP geta orðið leiðandi í 100 prósent nýtingu á hráefni og minnkað kolefnisfótspor sitt,“ segir Jón í tilkynningunni.

HPP framleiðir verksmiðjur sem vinna prótein og olíur úr hvítfisk, uppsjávarfisk, laxfiskum og skeldýrum. Þær eru smíðaðar í mismunandi stærð eftir því hvort þær eru fyrir skip eða landvinnslu.

„Jón er feikilega öflugur liðsauki fyrir okkur hjá HPP.  Ekki þarf að fara mörgum orðum um þekkingu hans og reynslu af þróun og markaðssetningu tæknilausna fyrir alþjóðlegan markað,“ segir Ragnar Sverrisson, framkvæmdastjóri HPP Solutions.

Tólf verksmiðjur víða um heim

HPP próteinverksmiðjan er íslenskt nýsköpunarverkefni HPP sem var í þróun hjá Vélsmiðjunni Héðni í um fimmtán ár og sprettur beint upp úr langri reynslu fyrirtækisins í íslenskum sjávarútvegi. Sérstaða HPP próteinverksmiðja felst í því að þær taka um þriðjungi minni pláss en hefðbundnar fiskimjölverksmiðjur, eru með um 30 prósent færri íhlutum og eyða 30 prósent minni orku. Í skipum með HPP verksmiðju um borð er aflinn er nýttur að fullu.

Þá hafa verksmiðjur verið seldar til útgerða og afurðastöðva á Íslandi sem og í Bandaríkjunum, Þýskalandi, Færeyjum, Englandi, Finnlandi, Frakklandi, Grænlandi og Noregi. Þær eru nú tólf talsins sem eru í rekstri. Sex þeirra eru um borð í skipum og sex eru á landi, vinnslugetan er frá 10 til 400 tonnum á dag, eftir stærð verksmiðjanna.

Einni hefur verið komið fyrir um borð í skipinu Ilivileq sem grænlenskt dótturfélag Brims gerir út. Unnið er að því að reisa í Neskaupstað 380 tonna HPP verksmiðju fyrir Síldarvinnsluna.

mbl.is
Afurð Dags. Meðalverð
Gellur 12.9.22 1.117,11 kr/kg
Þorskur, óslægður 23.9.22 438,02 kr/kg
Þorskur, slægður 23.9.22 578,99 kr/kg
Ýsa, óslægð 23.9.22 333,98 kr/kg
Ýsa, slægð 23.9.22 222,27 kr/kg
Ufsi, óslægður 23.9.22 212,59 kr/kg
Ufsi, slægður 23.9.22 235,95 kr/kg
Djúpkarfi 21.9.22 166,00 kr/kg
Gullkarfi 23.9.22 299,32 kr/kg
Litli karfi 21.9.22 0,00 kr/kg

Fleiri tegundir »

24.9.22 Elli P SU-206 Línutrekt
Þorskur 1.994 kg
Ýsa 1.331 kg
Keila 36 kg
Samtals 3.361 kg
24.9.22 Silfurborg SU-022 Dragnót
Skarkoli 543 kg
Ýsa 373 kg
Þorskur 343 kg
Sandkoli 183 kg
Steinbítur 45 kg
Samtals 1.487 kg
24.9.22 Sandfell SU-075 Lína
Þorskur 1.866 kg
Ufsi 210 kg
Ýsa 125 kg
Keila 101 kg
Gullkarfi 81 kg
Hlýri 67 kg
Samtals 2.450 kg

Skoða allar landanir »

Afurð Dags. Meðalverð
Gellur 12.9.22 1.117,11 kr/kg
Þorskur, óslægður 23.9.22 438,02 kr/kg
Þorskur, slægður 23.9.22 578,99 kr/kg
Ýsa, óslægð 23.9.22 333,98 kr/kg
Ýsa, slægð 23.9.22 222,27 kr/kg
Ufsi, óslægður 23.9.22 212,59 kr/kg
Ufsi, slægður 23.9.22 235,95 kr/kg
Djúpkarfi 21.9.22 166,00 kr/kg
Gullkarfi 23.9.22 299,32 kr/kg
Litli karfi 21.9.22 0,00 kr/kg

Fleiri tegundir »

24.9.22 Elli P SU-206 Línutrekt
Þorskur 1.994 kg
Ýsa 1.331 kg
Keila 36 kg
Samtals 3.361 kg
24.9.22 Silfurborg SU-022 Dragnót
Skarkoli 543 kg
Ýsa 373 kg
Þorskur 343 kg
Sandkoli 183 kg
Steinbítur 45 kg
Samtals 1.487 kg
24.9.22 Sandfell SU-075 Lína
Þorskur 1.866 kg
Ufsi 210 kg
Ýsa 125 kg
Keila 101 kg
Gullkarfi 81 kg
Hlýri 67 kg
Samtals 2.450 kg

Skoða allar landanir »