Harðbaki EA lagt en engum sagt upp

Harðbaki EA hefur verið lagt vegna skorts á aflaheimildum. Miklar …
Harðbaki EA hefur verið lagt vegna skorts á aflaheimildum. Miklar skerðingar hafa átt sér stað undanfarin ár. Ljósmynd/Samherji

Mikil áskorun verður að halda úti fullri starfsemi hjá Samherja og Útgerðarfélagi Akureyringa á yfirstandandi fiskveiðiári vegna þeirra miklu skerðinga sem hafa átt sér stað í útgefnum veiðiheimildum. Hefur Harðbaki EA þegar verið tímabundið lagt við bryggju.

Þetta kemur fram í færslu á vef Samherja.

Þar segir að frá fiskveiðiárinu 2020/2021 til ársins 2022/2023, sem hófst 1. september síðastliðinn, hafa veiðiheimildir félaganna í þorski dregist saman um nærri fimmtung, eða um 3.800 tonn.

Bara nú við fiskveiðiáramótin voru heimildir í þorski skertar um 1.220 tonn eða 6,3%. Þá minnkuðu heimildir í gullkarfa um 20%, djúpkarfa um 21% og ufsa um 8%.

Ígildi tveggja vikna vinnslu

Togaranum Harðbak EA hefur verið lagt tímabundið vegna skertra heimilda en engum í áhöfn var sagt upp vegna þessa, heldur öllum skipverjum boðið pláss á öðrum skipum félaganna.

„Á þessu almanaksári hefur landvinnsla aðeins fallið niður í einn dag vegna skorts á hráefni. Um þrjú hundruð manns starfa í landvinnslum ÚA og Samherja á Akureyri og Dalvík. Skerðingin í veiðiheimildum á bolfiski á þessu fiskveiðiári jafngildir hátt í tveggja vikna vinnslu í fiskvinnsluhúsunum á Akureyri og Dalvík,“ segir í færslunni.

Unnið í frystihúsi Samherja á Dalvík.
Unnið í frystihúsi Samherja á Dalvík. Ljósmynd/Samherji

Markviss veiðistjórnun

„Við brugðumst við samdrætti síðasta árs meðal annars með því að þróa og bæta við vinnsluna í ufsa og viðtökur á mörkuðum voru jákvæðar. Einnig höfum við þróað verðmætari afurðir í þorski sem fallið hafa í góðan jarðveg hjá kaupendum. Það gefur augaleið að það verður á brattann að sækja á þessu fiskveiðiári þegar samdráttur í þorski er svona mikill,“ segir Hákon Þröstur Guðmundsson, á útgerðarsviði Samherja, í færslunni.

„Með markvissri veiðistjórnun á liðnu fiskveiðiári tókst okkur að standa við alla gerða samninga um afhendingu afurða, sem skiptir gríðarlega miklu máli. Síðast en ekki síst, tókst okkur að halda úti fullri vinnslu í landi. Þetta á líka við um fiskiskipin, sem voru gerð út allt árið nema þegar um eðlilegt viðhald var að ræða. Auðvitað munum við leita allra leiða til að koma í veg fyrir lokanir, brekkan er að vísu nokkuð brattari en áður,“ segur Hákon Þröstur.

Veiðiheimildir færðar yfir á sumarveiði

Þá bendir Hákon Þröstur á að veiðiheimildir strandveiðibáta í þorski hafi verið auknar verulega á undanförnum árum, bæði í tonnum og sem hlutfall af útgefnum veiðiheimildum. Þessi þróun segir hann á skjön við það sem aðrir í íslenskum sjávarútvegi eru að fást við í ljósi veiðiráðgjafar Hafrannsóknarstofnunar.

„Þetta hefur meðal annars verið rökstutt með því að verið sé að treysta atvinnusköpun og auka líf í höfnum með auknum strandveiðum yfir sumarmánuðina. Þar er ekki nema hálf sagan sögð. Þessi þróun þýðir einfaldlega að heilsársstörf í sjávarútvegi veikjast. Sjávarútvegurinn er burðarstólpi verðmætasköpunar víða á landsbyggðinni, þar sem fólk hefur getað treyst á vel launuð störf árið um kring. Sjávarútvegsfyrirtæki sem eru með starfsemi allt árið, eins og á við um Samherja og Útgerðarfélag Akureyringa, standa einfaldlega frammi fyrir því að draga saman seglin með einhverjum hætti. Sjálfsagt eitthvað mismunandi eftir fyrirtækjum, en í mínum huga blasa þessar staðreyndir við. Því miður,“ útskýrir hann.

mbl.is
Afurð Dags. Meðalverð
Gellur 12.9.22 1.117,11 kr/kg
Þorskur, óslægður 9.12.22 431,98 kr/kg
Þorskur, slægður 9.12.22 395,87 kr/kg
Ýsa, óslægð 9.12.22 299,07 kr/kg
Ýsa, slægð 9.12.22 219,13 kr/kg
Ufsi, óslægður 9.12.22 267,19 kr/kg
Ufsi, slægður 9.12.22 276,52 kr/kg
Djúpkarfi 23.11.22 248,00 kr/kg
Gullkarfi 9.12.22 252,65 kr/kg
Litli karfi 9.12.22 0,00 kr/kg

Fleiri tegundir »

9.12.22 Þorleifur EA-088 Þorskfisknet
Ufsi 3.085 kg
Þorskur 530 kg
Ýsa 267 kg
Hámeri 152 kg
Samtals 4.034 kg
9.12.22 Fjóla SH-007 Plógur
Ígulker Breiðafj innri B 432 kg
Samtals 432 kg
9.12.22 Sjöfn SH-004 Plógur
Ígulker Breiðafj innri B 994 kg
Samtals 994 kg
9.12.22 Háey I ÞH-295 Lína
Ýsa 710 kg
Gullkarfi 374 kg
Þorskur 144 kg
Hlýri 60 kg
Keila 19 kg
Samtals 1.307 kg

Skoða allar landanir »

Afurð Dags. Meðalverð
Gellur 12.9.22 1.117,11 kr/kg
Þorskur, óslægður 9.12.22 431,98 kr/kg
Þorskur, slægður 9.12.22 395,87 kr/kg
Ýsa, óslægð 9.12.22 299,07 kr/kg
Ýsa, slægð 9.12.22 219,13 kr/kg
Ufsi, óslægður 9.12.22 267,19 kr/kg
Ufsi, slægður 9.12.22 276,52 kr/kg
Djúpkarfi 23.11.22 248,00 kr/kg
Gullkarfi 9.12.22 252,65 kr/kg
Litli karfi 9.12.22 0,00 kr/kg

Fleiri tegundir »

9.12.22 Þorleifur EA-088 Þorskfisknet
Ufsi 3.085 kg
Þorskur 530 kg
Ýsa 267 kg
Hámeri 152 kg
Samtals 4.034 kg
9.12.22 Fjóla SH-007 Plógur
Ígulker Breiðafj innri B 432 kg
Samtals 432 kg
9.12.22 Sjöfn SH-004 Plógur
Ígulker Breiðafj innri B 994 kg
Samtals 994 kg
9.12.22 Háey I ÞH-295 Lína
Ýsa 710 kg
Gullkarfi 374 kg
Þorskur 144 kg
Hlýri 60 kg
Keila 19 kg
Samtals 1.307 kg

Skoða allar landanir »