Útflutningsverðmæti eldisafurða var 38 milljarðar króna á fyrstu 10 mánuðum ársins, sem er 24% aukning frá sama tímabili í fyrra og 29% aukning sé tekið tillit til gengisbreytinga, samkvæmt bráðabirgðatölum Hagstofu Íslands.

Í greiningu Radarsins er sérstaklega vakin athygli á að aldrei hafa útflutningsverðmætin verið meiri á fyrstu tíu mánuðum og aldrei verið meiri á heilu ári.

Mynd/Radarinn

„Þróunin í ár er nokkuð ólík þeirri þróun sem verið hefur undanfarin ár,“ segir í greiningunni og er bent á hvernig samspil afurðaverðs í erlendri mynt, gengi krónunnar og magns hefur áhrif á útflutningsverðmæti eldisafurða í krónum.

„Sú aukning sem orðið hefur í útflutningsverðmætum eldisafurða á árinu má alfarið rekja til hækkunar á afurðaverði, en markaðsverð á laxi hefur náð sögulegum hæðum á árinu. Á sama tíma stóð útflutt magn svo til í stað, ólíkt fyrri árum þegar stóraukin framleiðsla (magn) var megindrifkraftur aukinna útflutningsverðmæta.“

Þá segir að reikna megi við að framleiðslan aukist á ný á næstu árum og bent á mikla uppbyggingu í greininni.

Mynd/Radarinn

Tengdar fréttir

Fiskeldi

Kaldvík öðlast ASC-vottun

• Mikill útflutningur frá Vestfjörðum
• Akureyringar taka ekki afstöðu
• Lagareldisfrumvarpið ekki lagt fram
• Þróa aðferð til framleiðslu á geldlaxi

» Fleiri tengdar fréttir

• Blogga um frétt