200 mílur
| mbl
| 3.12.2022
| 21:45
Aðgerðir undan Garðsskaga umfangsmiklar
Björgunarskipið Stefnir KÓ á æfingu í hvassviðri. Stefnir er eitt þeirra björgunarskipa sem hafa verið á svæðinu.
Ljósmynd/Rafnar
Aðgerðir norðvestur af Garðsskaga vegna skipverja sem sagður er hafa fallið útbyrðis eru umfangsmiklar. Á svæðinu eru nú björgunarskipin Sjöfn frá Reykjavík, Hannes Þ. Hafstein frá Sandgerði Stefnir frá Kópavogi og Jón Gunnlaugsson frá Akranesi. Auk þeirra er varðskipið Þór mætt á svæðið.
Þá eru fjöldi fiskiskipa á svæðinu. Meðal annars Kap VE og Sighvatur GK.
Fáar upplýsingar hafa fengist um stöðu aðgerða en miðað við fjölda viðbragðsaðila eru þær umfangsmeiri en gerst hefur í þó nokkurn tíma.