200 mílur
| mbl
| 3.12.2022
| 22:06
Fiskiskip aðstoða við leitina
Björgunarskipið Hannes Þ. Hafsteinn er eitt þeirra sjófara sem taka þátt í leitinni að skipverjanum.
Ljósmynd/Ríkarður Ríkarðsson
Öll tiltæk fiskiskip og bátar á svæðinu þar sem skipverji féll útbyrðis klukkan fimm síðdegis í dag taka nú þátt í leitinni. Skipstjórnarmenn sem 200 mílur hafa rætt við segjast ekkert geta upplýst um gang mála á þessu stigi.
Meðal annars eru fiskiskipin Kap, Sighvatur, Daðey, Hópsnes, Gísli 1909 og Jón Ásbjörnsson á svæðinu.
Guðmundur Birkir Agnarsson, aðgerðarstjóri hjá Landhelgisgæslunni, sagði fyrr í kvöld að leit hafi enn ekki borið árangur.
Umfang aðgerða er töluvert og eru að minnsta kosti átta fiskiskip eða bátar á svæðinu norðvestanvert af Garðsskaga sem og fjórir björgunarbátar og varðskipið Þór.
Þá hafa tvær þyrlur á vegum Landhelgisgæslunnar einnig tekið þátt í aðgerðum.
