Laxalús hefur tekið að fjölga undanfarin misseri á laxfiskum í sjókvíum á Vestfjörðum. Samkvæmt mælaborði fiskeldis var í nóvember að meðaltali 1,41 kvenlús á hverjum fiski í sjókvíum á Íslandi. Talan er hins vegar mun hærri þar sem lúsin er þar sem hana er alla jafna ekki að finna á Austfjörðum.

Ekki liggja fyrir tölur fyrir landshluta í nóvember en talan fyrir Vestfirði á október er 0,94 kvenlús á fiski. Það er ekki ýkja mikið þar sem áhættumörk í mörgum ríkjum eru 1,5 til 3 fullorðnar lýs á hverjum fiski.

Staðan er hins vegar allt önnur þegar skoðuð er staðan eftir fjörðum og sést að í Dýrafirði voru 3,94 kvenlýs á hverjum fiski í október.

Fjöldi kvenlúsa á fiski í Dýrafirði rauk upp úr öllu valdi í október. Skjáskot/Mælaborð fiskeldis

Beittu slice

Í bréfi til Ísafjarðarbæjar dagsettu 12. október síðastliðinn tilkynnti Arctic Fish að þörf væri á að meðhöndla gegn laxalús með emamectin benzoate eða svokölluðu „slice“ í kvíastæðum við Hvannadal í Tálknafirði, Kvígindisdal í Patreksfirði og Hvestudal í Arnarfirði. Átti meðhöndlun að vera lokið 21. nóvember.

„Þegar upp koma aðstæður sem þessar sækir Arctic Fish um leyfi til lyfjameðhöndlunar til Matvælastofnunar. Fiskisjúkdómanefnd tekur málið fyrir og metur með tilliti til umhverfisskilyrða, fiskistærðar, stöðu lúsasmita og væntanlegrar þróunar á svæðinu,“ segir í bréfinu.

Umhverfisstofnun sagðist í byrjun árs ætla að skoða umhverfisáhrif notkunar lyfja gegn laxalús hér á landi, þar með talið slice.

Frétt af mbl.is

Ítreka þörf á rannsóknum á lyfjaþoli

Tengdar fréttir

Fiskeldi

Vilja takmarka erlent eignarhald í eldi

• Daníel tekur við forstjórastöðunni
• Tókst að ljúka 34 milljarða fjármögnun
• Rannsókn á ólöglegu fiskeldi miðar vel
• Nýtt hátæknivopn gegn erfðablöndun

» Fleiri tengdar fréttir

• Blogga um frétt