Ekki meðhöndlað gegn lús í Dýrafirði
„Heilt yfir hefur staða lúsamála á Vestfjörðum verið í góðum farvegi allt þetta ár,“ svarar Gísli Jónsson, sérgreinadýralæknir fiskisjúkdóma hjá Matvælastofnun, í Morgunblaðinu spurður um aukinn fjölda lúsa.
Í Dýrafirði var hins vegar áberandi fjölgun laxalúsar á fiskum í þeim kvíum sem þar eru.
„Þar er alinn lax sem er kominn í sláturstærðir og þar jókst tíðni laxalúsar þegar leið á haustið. Viðbrögð í Dýrafirði eru á þann hátt að öllum laxi þar verður slátrað í vetur og fram á vor,“ segir Gísli.
Það hefur því ekki og verður ekki beitt lyfjum gegn lúsinni í firðinum enda hafa þrjár til fjórar lýs engin líffræðileg áhrif á fimm til sjö kílóa lax, að sögn Gísla.
Nánar má lesa um málið í Morgunblaðinu.
Lestu meira með vikupassa!
Fáðu þér vikupassa fyrir 2.185 kr. og þú færð aðgang að öllu efni úr blaði dagsins í dag og næstu 6 daga.
