Sjómannadeild Framsýnar skorar á samtök sjómanna að hefja undirbúning að aðgerðum gegn útgerðarfyrirtækjum til að knýja á um lausn kjaradeilunnar á milli sjómanna og útgerðarmanna.

„Núverandi ástand og samningsleysi sjómanna á fjórða ár er ólíðandi með öllu og útgerðarmönnum til skammar. Það er ekki í boði að láta enn eitt árið líða án þess að gengið verði frá kjarasamningi við samtök sjómanna,“ segir í ályktun aðalfundar deildarinnar sem var haldinn í gær.

Fram kemur að krafa aðildarfélaga Sjómannasambands Íslands sé skýr um að sjómenn fái inn í kjarasamninginn ákvæði um að útgerðin greiði 3,5% viðbótarframlag í lífeyrissjóði sjómanna líkt og launafólk á almennum vinnumarkaði hafi þegar samið um við atvinnurekendur.

Sjómenn fái jafnframt sömu hækkanir á kauptryggingu sjómanna og aðra kaupliði, líkt og samið hefur verið um á almenna vinnumarkaðnum frá árinu 2019.

„Það er með öllu ólíðandi að kauptrygging sjómanna sé langt undir lágmarkslaunum á Íslandi en hún er í dag kr. 326.780,- meðan lágmarkslaun eru kr. 402.235,- samkvæmt kjarasamningi SGS og SA.“

Tengdar fréttir

Kjaraviðræður

Allt klárt nema launaliðurinn

• Góður gangur í viðræðum á opinbera markaðinum
• Vill slíta öllum kjaraviðræðum við SA
• RSÍ og VM semja við Orkuveituna
• Samningur í höfn

» Fleiri tengdar fréttir

Kjaramál sjómanna

Hyggst knýja á um frekari kjarabætur

• Um 43% félagsmanna vildu fella samninginn
• Telur ekki þörf á stórvægilegum breytingum
• Sjómenn felldu kjarasamninginn
• „Menn misskilja algjörlega þessa grein“

» Fleiri tengdar fréttir

• Blogga um frétt