Guðmundur Þórðarson og Stefán Sigurðsson hafa verið ráðnir yfir framkvæmdasvið Landeldis hf. en þeir koma báðir frá fyrirtækinu Leonard Nilsen & Sønner í Noregi þar sem þeir hafa stýrt viðamiklum verkefnum á sviði jarðgangagerðar síðastliðin ár.

Þetta kemur fram í tilkynningu frá Landeldi hf. en fyrirtækið stefnir að framleiðslu 33.500 tonna af laxi í nýrri landeldisstöð sem er í byggingu vestan við Þorlákshöfn.

Stefán Sigurðsson og Guðmundur Þórðarson hafa báðir hafið störf. Samsett mynd/Landeldi

Í tilkynningunni segir að Guðmundur sé húsasmíðameistari og byggingatæknifræðingur frá Horsens Ingeniørhøjskole í Danmörku. Hann hefur stýrt fjölda umfangsmikilla verkefna í gegnum tíðina sem eru mörg hver sérhæfð, þar á meðal stækkun álverksmiðju ÍSAL, byggingu fóðurverksmiðju fyrir lax í Noregi, jarðgangagerð, byggt virkjanir á Íslandi og Grænlandi ásamt fjölda annara verkefna.

Stefán er byggingaverkfræðingur frá Danmarks Tekniske Universitet ásamt því að vera byggingatæknifræðingur og húsasmiður. Hann hefur einnig stýrt fjölda verkefna m.a. jarðgangagerð í Noregi, við fiskvinnsluhús á Dalvík, útlögn á fráveitulögn frá landi og út í sjó við Grindavík og fjöldi annara verkefna.

Frétt af mbl.is

Landeldi fær hringrásarstyrk til gerðar áburðar

„Við Stefán Sigurðsson höfum fylgst með utan frá hvernig Landeldi í Þorlákshöfn hefur þróast. Við höfum heillast af verkefninu, bæði stærð verkefnisins og jákvæðri þýðingu þess. Verkefnið er umfangsmikið og telur uppbyggingarsvæðið um 33 ha í Þorlákshöfn. Við erum fullir tilhlökkunar og fram undan eru mjög áhugaverðir og spennandi tímar“ er haft eftir Guðmundi.

Guðmundur og Stefán hófu báðir störf hjá Landeldi 1. janúar.

Tengdar fréttir

Fiskeldi

Fjárfestingin 115 milljarðar króna

• Bátur Arnarlax verður fyrsti sinnar tegundar
• Lagareldismálið fyrst á dagskrá
• Gera niðurstöður umhverfisvaktana aðgengilegar
• Gagnrýna aðferðir við áhættumat

» Fleiri tengdar fréttir

• Blogga um frétt