Einar Sveinbjörnsson veðurfræðingur telur að ekki þurfi að hafa miklar áhyggjur af stórstreymi í Reykjavík, en að suður með sjó, eins og í Sandgerði og Grindavík, verði þess frekar vart.

„Stærsti straumurinn verður í fyrramálið. Við erum nálægt þessum stórstreymisstöðum sem koma í kjölfarið á því að nýtt tungl kviknar. Þá er reiknuð flóðahæð alltaf aðeins meiri,“ segir Einar í samtali við mbl.is.

„Það fer saman með þessu stórstreymi dálítil suðvestanalda, 8-10 metrar um það bil klukkan 18.“

Frétt af mbl.is

Vara við stórstreymi á mánudag

Frekar að hafa áhyggjur suður með sjó

Einar segir að sennilega þurfi ekki að hafa miklar áhyggjur af stórstreyminu í Reykjavík eða við innanverðan Faxaflóa. 

„Suður með sjó, eins og í Sandgerði og í Grindavík, þá eru menn að fá þetta beint af úthafinu,“ segir Einar. Hætturnar séu frekar þar.

„Á móti kemur að þetta var kannski verra fyrr í dag. Oft þegar menn eru að velta fyrir sér stórstreymi og flóðahættu þá er lágur loftþrýstingur sem hækkar enn yfirborð sjávar en það er ekki sérlega lágur loftþrýstingur núna. Þetta er fyrst og fremst hvaða öldu og vind áhlaðandinn ber með sér.“

Einar telur ólíklegt að stórstreymið stofni vegum í hættu, það sé fyrst og fremst í höfnunum sem þurfi að gæta að aðstæðum.

Frétt af mbl.is

Vara við stórstreymi í kvöld

Tengdar fréttir

Veðraskil í janúar 2023

Lægðir á leiðinni og mjög viðkvæm staða í spám

• Hringvegurinn opnaður en varað við hálku og krapi
• Hringvegurinn lokaður á tveimur köflum
• Ófærðin mest í efri byggðum
• Nóttin róleg hjá björgunarsveitum

» Fleiri tengdar fréttir

• Blogga um frétt