Kröfðust adrenalínpenna fyrir mistök

Smábátasjómenn munu ekki þurfa að vera með adrenalínpenna um borð. …
Smábátasjómenn munu ekki þurfa að vera með adrenalínpenna um borð. Krafa þess efnis rataði í reglugerð fyrir mistök. mbl.is/Hafþór Hreiðarsson

Mistök réðu því að nýleg reglugerð um heilbrigðisþjónustu, lyf og lækningatæki um borð í íslenskum skipum krafðist að adrenalínpennar – sem undanfarið hafa verið ófáanlegir á Íslandi – væru um borð í öllum sjóförum.

Þetta kemur fram í svari Innviðaráðuneytisins við fyrirspurn blaðamanns um reglugerðina sem samþykkt var í nóvemberlok og nær til 2.240 sjófara.

Fram kom í umfjöllun Morgunblaðsins 19. janúar síðastliðinn að hugsanlega væri óþarfi fyrir 85% sjófaranna sem eru af smærri gerð og kröfurnar ná til að hafa lyfið um borð, að mati lyfjafræðinga. Samkvæmt reglugerðinni áttu sjóför fram að næstu árlegu skoðun skips eða báts að tryggja að lyfjakista um borð uppfylli skilyrði stjórnvalda.

„Í fyrstu útgáfu reglugerðarinnar voru þeir [adrenalínpennar], fyrir mistök, taldir með lyfjum sem skylt væri að hafa. Þetta hefur verið leiðrétt og uppfærður viðauki með reglugerðinni birtist innan skamms,“ útskýrir innviðaráðuneytið í svari sínu.

Erfitt að meta kostnað

Við spurningu um hvort ráðuneytið hafi áætlað kostnað sem fylgir því að kaupa þau lyf og þann búnað sem ætlast er til að öll skip hafi um borð, svarar ráðuneytið: „Kostnaður ræðst einkum af verði lyfja og lækningatækja en mikill munur getur verið á verði eftir söluaðilum (lyfsölum). Í reglugerðinni er nú skýrt tekin fram heimild til notkunar á samheitalyfjum sem dregur úr kostnaði.“

„Verðmunur á öðrum vörum, t.d. einnota hönskum (fjórfaldur) eða samspelkum (allt að þrefaldur) getur oft einnig verið verulegur. Þá eru í reglugerðinni heimildir til þess að nýta rafrænar lausnir sem einnig geta dregið úr kostnaði, m.a. til að draga úr sóun á lyfjum. Af þessu leiðir að erfitt er að leggja mat á heildarkostnað í einstökum flokkum en í reglugerðinni eru fremur lögð áhersla á sveigjanleika og tækifærum til að draga úr kostnaði.“

Með nýjum flokki í reglugerðinni fyrir ferðaþjónustuskip sem eru innan …
Með nýjum flokki í reglugerðinni fyrir ferðaþjónustuskip sem eru innan við 5 tíma höfn í höfn eru gerðar minni kröfur en áður um innihald lyfjakistna. mbl.is/Árni Sæberg

Jafnframt er vakin athygli á að lyfakistur skipa og kröfur um innihald þeirra geta verið mjög ólíkar eftir stærð skips og eðli þeirrar starfsemi sem er um borð. „Á þeim grunni eru skilgreindir fjórir flokkar skipa. Þar af er einn nýr flokkur (flokkur C) en í honum eru skip í ferðaþjónustu sem bjóða upp á ferðir undir 5 klst., t.d. hvalaskoðun eða sambærilegt. Varðandi einstaka skipaflokka eru gerðar mestar kröfur til skipa með langan útitíma og þær byggja á nýrri Evróputilskipun sem er innleidd með reglugerðinni.“

Hjá skipum sem eru í flokki C ¬– oftast ferðaþjónustubátar sem eru innan við 5 klukkustundir höfn í höfn – fækkar lyfjum og lækningatækjum sem krafist er að séu um borð í nýju reglugerðinni og þannig kostnaður. Þá hafa verið gerðar litlar breytingar í flokki smábáta og kostnaður talinn svipaður og áður.

mbl.is
Afurð Dags. Meðalverð
Þorskur, óslægður 31.1.23 424,23 kr/kg
Þorskur, slægður 31.1.23 432,89 kr/kg
Ýsa, óslægð 31.1.23 512,02 kr/kg
Ýsa, slægð 31.1.23 433,37 kr/kg
Ufsi, óslægður 31.1.23 247,23 kr/kg
Ufsi, slægður 31.1.23 292,75 kr/kg
Undirmálsufsi, slægður 27.1.23 237,00 kr/kg
Djúpkarfi 23.1.23 317,00 kr/kg
Gullkarfi 31.1.23 470,05 kr/kg
Litli karfi 27.1.23 0,00 kr/kg

Fleiri tegundir »

31.1.23 Þórunn Sveinsdóttir VE-401 Botnvarpa
Ýsa 37.709 kg
Þorskur 23.294 kg
Samtals 61.003 kg
31.1.23 Grettir BA-039 Þaraplógur
Hrossaþari 183.920 kg
Samtals 183.920 kg
31.1.23 Vestmannaey VE-054 Botnvarpa
Þorskur 15.366 kg
Ýsa 7.678 kg
Gullkarfi 352 kg
Samtals 23.396 kg
31.1.23 Björgúlfur EA-312 Botnvarpa
Grálúða 988 kg
Gullkarfi 988 kg
Samtals 1.976 kg
30.1.23 Hafrafell SU-065 Lína
Þorskur 357 kg
Keila 91 kg
Ýsa 48 kg
Steinbítur 41 kg
Hlýri 10 kg
Langa 7 kg
Gullkarfi 3 kg
Samtals 557 kg

Skoða allar landanir »

Afurð Dags. Meðalverð
Þorskur, óslægður 31.1.23 424,23 kr/kg
Þorskur, slægður 31.1.23 432,89 kr/kg
Ýsa, óslægð 31.1.23 512,02 kr/kg
Ýsa, slægð 31.1.23 433,37 kr/kg
Ufsi, óslægður 31.1.23 247,23 kr/kg
Ufsi, slægður 31.1.23 292,75 kr/kg
Undirmálsufsi, slægður 27.1.23 237,00 kr/kg
Djúpkarfi 23.1.23 317,00 kr/kg
Gullkarfi 31.1.23 470,05 kr/kg
Litli karfi 27.1.23 0,00 kr/kg

Fleiri tegundir »

31.1.23 Þórunn Sveinsdóttir VE-401 Botnvarpa
Ýsa 37.709 kg
Þorskur 23.294 kg
Samtals 61.003 kg
31.1.23 Grettir BA-039 Þaraplógur
Hrossaþari 183.920 kg
Samtals 183.920 kg
31.1.23 Vestmannaey VE-054 Botnvarpa
Þorskur 15.366 kg
Ýsa 7.678 kg
Gullkarfi 352 kg
Samtals 23.396 kg
31.1.23 Björgúlfur EA-312 Botnvarpa
Grálúða 988 kg
Gullkarfi 988 kg
Samtals 1.976 kg
30.1.23 Hafrafell SU-065 Lína
Þorskur 357 kg
Keila 91 kg
Ýsa 48 kg
Steinbítur 41 kg
Hlýri 10 kg
Langa 7 kg
Gullkarfi 3 kg
Samtals 557 kg

Skoða allar landanir »