Loðnuvertíðin er að hefjast og við slík tímamót er auðvitað nóg um að gera á netaverkstæðum landsins. Barði NK sótti sína nót til Hampiðjunnar í Neskaupstað í gær, að því er fram kemur í færslu á Facebook-síðu fyrirtækisins

Þar segir að unnið hafi verið hörðum höndum að undanförnu og nóg sé að gera að klára allar þær nætur sem nýta á á vertíðinni. Gert er ráð fyrir að uppsjávarskipin komi hvert af öðru næstu daga að sækja nætur sínar.

„Þá er fyrsta grunnnótin farin úr húsi hjá okkur, Barðinn kom í dag og tók sína nót.  Búið að vera stíf vinna undanfarið að klára næturnar.  En allt hefst þetta alltaf að lokum,“ segir í færslunni.

Barði NK sækir nót til Hampiðjunnar vegna loðnuvertíðarinnar. Ljósmynd/Hampiðjan Neskaupstað

Ljósmynd/Hampiðjan Neskaupstað

Tengdar fréttir

Loðnuveiðar

„Ef það gefur færi á sér ætti það nú að hafast“

• Enn nokkur skip á loðnuveiðum
• Vertíðin á fullu
• Reikna með að ná kvótanum
• Unnið allan sólarhringinn í hálfan mánuð

» Fleiri tengdar fréttir

• Blogga um frétt