Eigendur hvattir til að huga að bátum og skipum

Landhelgisgæslan varar við aukinni sjávarhæð vegna áhlaðanda með suður- og vesturströndinni á morgun. Þá hvetur stofnunin til aðgæslu með ströndinni og að hugað verði að skipum og bátum í höfnum, að því er fram kemur í tilkynningu.

„Nú er stækkandi straumur og verður stórstreymt næstkomandi þriðjudag. Veðurspár gera ráð fyrir suðvestan hvassviðri næstu daga og á þriðjudag er gert ráð fyrir sunnan og suðvestan stormi. Jafnframt gera ölduspár ráð fyrir mikilli ölduhæð og þá sérstaklega á þriðjudag,“ segir í tilkynningunni.

• Blogga um frétt