„Þetta var stuttur túr, einungis rúmir tveir sólarhringar á sjó,“ segir Þórhallur Jónsson, skipstjóri á Gullver NS, í færslu á vef Síldarvinnslunnar. Ísfisktogarinn landaði 55 tonnum á Seyðisfirði á föstudaginn var.

„Upphaflega áttum við að landa á mánudag en það vantaði fisk í vinnsluna og því komum við fyrr til löndunar,“ útskýrir Þórhallur.

Hann segir jafnframt að veður hafi verið með besta móti þegar skipið var á veiðum á fimmtudag. „Veiðin gekk vel og aflinn var nær eingöngu þorskur og ýsa. Við byrjuðum í Berufjarðarálnum en færðum okkur síðan í Litladýpið.“

Gullver hélt á ný til veiða um hádegi í gær.

Tengdar fréttir

Síldarvinnslan

Bergur landaði í fyrsta sinn til vinnslu hjá Vísi

• Hafa tekið við yfir 61 þúsund tonnum af kolmunna
• Síldarvinnslan metin á 210 milljarða króna
• Styrkja snjóflóðasöfnunina um 8 milljónir
• Vænn afli hjá togurum Síldarvinnslunnar

» Fleiri tengdar fréttir

• Blogga um frétt