Staða landselstofnsins við Ísland viðkvæm
Staða landsela við Ísland er talin viðkvæm og eru veiðar þar sem selir eru meðafli, viðvera og ágangur manna, umhverfisþættir, mengun, loftslagsbreytingar og sveiflur í fæðutegundum meðal ástæðan fyrir því að stofninn vaxi ekki.
Þetta er meðal þess sem fram kemur í nýrri vísindagrein um sveiflur í stofnstærð landsels yfir 40 ára tímabil, en fjallað er um greinina í færslu á vef Hafrannsóknastofnunar. Fjöldi landsela við Ísland samkvæmt nýjustu talningu frá 2020 er um 10.319 dýr. Það er um 69% færri en þegar eftirlit með stofninum hófst árið 1980, en þá var fjöldinn 33.327 selir.
/frimg/1/34/32/1343201.jpg)
Vísindagreinin heitir „The Icelandic harbour seal (Phoca vitulina) population: trends over 40 years (1980–2020) and current threats to the population“ og var birt í Marine Mammals in the North Atlantic. Höfundur greinarinnar er Sandra Granquist, sjávarspendýrasérfræðingur hjá Hafrannsóknastofnun og deildarstjóri selarannsóknadeildar hjá Selasetri Íslands.
Talningar á landsel benda til þess að mesta fækkunin hafi átt sér stað á fyrsta áratug mælinganna, á þeim tíma fækkaði landsel um 50% og ástæðan sögð veiðar. „Síðan þá hefur fækkun í selastofninum verið hægari og fjöldinn sveiflast lítillega. […] Niðurstöður talninganna undirstrika mikilvægi áframhaldandi talninga og að sinna rannsóknum sem kunna að hafa áhrif á þróun stofnsins,“ segir í færlunni.
