Hafnarverkamenn vilja úr Eflingu
Hafnarverkamenn sem starfa hjá Eimskip í Sundahöfn í Reykjavík hafa óskað eftir því að færa sig úr Eflingu-stéttarfélagi yfir í Sjómannafélag Íslands.
Ströglað hefur verið um nokkurt skeið um þetta mál sem í gær var dómtekið í Félagsdómi. Á dómsskjölum þar heitir þetta mál Sjómannafélags Íslands gegn Samtökum atvinnulífsins vegna Eimskip og ASÍ vegna Eflingar.
Í máli þessu eiga í hlut um 60 menn sem telja sig um margt afskipta innan Eflingar. Þetta segir Bergur Þorkelsson, formaður Sjómannafélags Íslands, í samtali við Morgunblaðið.
Ósk um félagsskipti var sett fram í haust og þá hafnað af Eflingu, með þeim rökum að samningaviðræður félagsins við atvinnurekendur væru hafnar og á þeim tíma væri ekki hægt að færa sig milli félaga.
Nánari umfjöllun er að finna í Morgunblaðinu í dag.
Lestu meira með vikupassa!
Fáðu þér vikupassa fyrir 2.185 kr. og þú færð aðgang að öllu efni úr blaði dagsins í dag og næstu 6 daga.
