Hlutur íslenskra fjárfesta eykst
Íslensk sjávarútvegsfyrirtæki hafa verið að koma sterkt inn í laxeldi. Með því eykst hlutur Íslendinga í vissum félögum verulega, að því er fram kom í laugardagsblaði Morgunblaðsins.
Með kaupum Ísfélags Vestmannaeyja á hlut í eignarhaldsfélagi um meirihlutaeign í Ice Fish Farm á Austfjörðum á félagið 16,44% hlut í félaginu og íslenskt eignarhald komið upp í um 42%.
Síldarvinnslan á rúmlega þriðjung í Arctic Fish á Vestfjörðum. Þá eiga íslensk útgerðarfélög eða hafa átt að fullu vaxandi fiskeldisfyrirtæki eins og Háafell í Ísafjarðardjúpi og Samherja fiskeldi. Íslenskir lífeyrissjóðir, sérstaklega Gildi, hafa verið að fjárfesta í fiskeldi.
Rökrétt virðist að sjávarútvegsfyrirtæki, sem búa við kvótaþak og ýmsar takmarkanir og í ljósi þess að ekki eru líkur á auknum veiðum, hugi að fjárfestingum í fiskeldi.
Ítarlega var fjllað um málið í Morgunblaðinu síðastliðinn laugardag.
Lestu meira með vikupassa!
Fáðu þér vikupassa fyrir 2.185 kr. og þú færð aðgang að öllu efni úr blaði dagsins í dag og næstu 6 daga.
