Enn eru nokkur uppsjávarskip á loðnuveiðum undan Snæfellsjökli. Þar eru tvö skip Ísfélags Vestmannaeyja, þau Sigurður VE og Suðurey VE, en Sigurður landaði hrognaloðnu á Þórshöfn síðastliðinn laugardag.

Einnig er grænlenska skipið Tasiilaq á veiðum á svæðinu. Barði NK, skip Síldarvinnslunnar, er á leið af miðunum og er nú við sunnanverðan Breiðafjörð.

Samkvæmt skráningu Fiskistofu hafa íslensku loðnuskipin náð að landa rúmlega 270 þúsund tonnum sem er rétt rúmlega 82% af 329 þúsund tonna loðnukvóta þeirra. Líklega hefur meiri afla verið landað en þar segir þar sem talnagögnin uppfærast einn til tvo daga eftir löndun.

Tengdar fréttir

Loðnuveiðar

Óvön áhöfn olli óvissu í mælingum

• Einstaklega vel heppnuð loðnuvertíð að baki
• 40 milljarða loðnuvertíð lauk á hörðum lokaspretti
• „Ef það gefur færi á sér ætti það nú að hafast“
• Vertíðin á fullu

» Fleiri tengdar fréttir

• Blogga um frétt