Alls sögðu 59% svarenda könnunar Prósents að þeir væru andvígir fiskeldi í sjókvíum á Íslandi. Sögðust 19% svarenda hlynntir slíkum rekstri og 22% hvorki hlynntir né andvígir.

Þetta kemur fram í tilkynningu Prósents um niðurstöðum könnunarinnar.

Fram kemur að svarendur sem segjast kjósendur Pírata eru andvígastir sjókvíaeldi og sögðust 84% þeirra vera mótfallnir slíkum rekstri en aðeins 4% hlynntir. Þá eru kjósendur Miðflokks hlynntastir sjókvíaeldi eða 40% þeirra, en 41% þessa hóps segjast andvígir.

Yngri hlynntari

Fólk á landsbyggðinni er líklegra til að líta sjókvíaeldi jákvæðum augum en íbúar höfuðborgarsvæðisins. Sögðust 26% svarenda á landsbyggðinni hlynntir sjókvíaeldi en 47% andvígir. Á höfuðborgarsvæðinu eru aðeins 16% svarenda hlynntir en 65% andvígir.

Einstaklingar á aldrinum 18 til 24 ára reyndust hlynntari sjókvíaeldi en aðrir aldurshópar og einstaklingar á bilinu 55 til 64 ára andvígari en aðrir.

Könnunin var framkvæmd dagana 10. til 24. febrúar. Um er að ræða netkönnun meðal könnunarhóps Prósents og var úrtakið tvö þúsund einstaklingar 18 ára og eldri. Svarhlutfall var 49,5%.

Tengdar fréttir

Fiskeldi

Kaldvík öðlast ASC-vottun

• Mikill útflutningur frá Vestfjörðum
• Akureyringar taka ekki afstöðu
• Lagareldisfrumvarpið ekki lagt fram
• Þróa aðferð til framleiðslu á geldlaxi

» Fleiri tengdar fréttir

• Blogga um frétt