„Það er ekkert nýtt í þessu,“ segir Kristján Loftsson, framkvæmdastjóri Hvals, æi Morgunblaðinu í dag um skýrslu ráðgjafafyrirtækisins Intellecon um efnahagsleg áhrif hvalveiða á Íslandi.

Í skýrslunni, sem birt var í gær, kemur fram að hval­veiðar hafi haft lít­inn þjóðhags­leg­an ávinn­ing þar sem út­flutn­ings­verðmæti afurðanna sem og magn afurða sem seld­ar eru úr landi er mjög lít­ill hluti af heild­ar­út­flutn­ingi.

Frétt af mbl.is

Ekki merkjanleg áhrif á komu ferðamanna

„Hvalveiðarnar eru atvinnurekstur sem hefur átt undir högg að sækja hjá ákveðnum stofnunum hér á landi undanfarin ár. Ef fyrirtækjum er haldið frá rekstri eins og gerst hefur í okkar tilfelli, þá er erfitt að gera það ár upp með hagnaði,“ segir Kristján.

Vonar að fast verði stigið til jarðar

„Þegar kemur að matvælaráðherra þá er ofboðslega erfitt að spá, því engu virðist skipta að farið sé eftir þeim lögum og stjórnsýslureglum sem gilda í landinu,“ segir Vilhjálmur Birgisson, formaður Verkalýðsfélags Akraness, í samtali við Morgunblaðið spurður um hvort hann telji líkur á að hvalveiðar verði heimilaðar 1. september nk.

„Ég vonast til þess að samstarfsflokkarnir í ríkisstjórninni, Sjálfstæðisflokkur og Framsóknarflokkur, stígi fast til jarðar í þessu máli og sjái til þess að veiðarnar fari af stað. Það er alveg ljóst að Svandís var að stinga samstarfsflokka sína í bakið með ákvörðun sinni,“ segir Vilhjálmur.

Vilhjálmur Birgisson, formaður Verkalýðsfélags Akranes mbl.is/Eggert Jóhannesson

Fjallað er nánar um málið í Morgunblaðinu í dag.

Tengdar fréttir

Hvalveiðar

Kvartar til umboðsmanns

• Segir gjaldþrot Skagans vera áfall og skýtur á VG
• Hvalurinn er ekki að éta neitt megrunarkex
• Ráðuneytið skammti mismunandi gögn
• Afrán hvala tvöfaldast á þessari öld

» Fleiri tengdar fréttir