Starfsmenn Hvals hf. eru nú að leggja lokahönd á undirbúning þess að senda hvalbátana Hval 8 og Hval 9 til leitar að langreyði á miðunum suður, suðvestur og vestur af landinu, en ákveðið hefur verið að þeir leggi úr höfn strax eftir helgi.

Þetta er gert til þess að vera í stakk búnir til þess að hefja veiðarnar að morgni föstudagsins 1. september nk. Þá fellur úr gildi bann Svandísar Svavarsdóttur matvælaráðherra við hvalveiðum sem gildir til og með 31. ágúst nk., en það var lagt á með svofelldri reglugerð:

„Á árinu 2023 skulu veiðar á langreyðum ekki hefjast fyrr en 1. september.“

Frétt af mbl.is

Skýrslan ekki komin í hús

Bjarga því sem bjargað verður

Að sögn Kristjáns Loftssonar framkvæmdastjóra Hvals er áformað að nýta þann skamma tíma sem eftir lifir sumars til þess að bjarga því sem bjargað verður af hvalveiðivertíðinni sem ráðherrann sló af með eins dags fyrirvara 20. júní sl.

Enda þótt dag sé nú tekið að stytta mjög og birta að dvína telur Kristján að stunda megi veiðarnar fram undir septemberlok, þ.e. ef veður leyfir, en birtu nýtur við í um hálfan sólarhring á miðunum um þessar mundir.

Frétt af mbl.is

„Það er ekkert nýtt í þessu“

Allt var tilbúið í júní

Í sumar hefur nefnd á vegum matvælaráðuneytisins, sem skipuð er fulltrúum þess auk fulltrúa Matvælastofnunar og Fiskistofu, gert úttekt á veiðibúnaði hvalbátanna, veiðiaðferðum og öðrum þeim breytingum og betrumbótum sem varða veiðarnar og ráðist hefur verið í síðan vertíðinni 2022 lauk.

Nán­ari um­fjöll­un er að finna í Morg­un­blaðinu í dag.

Tengdar fréttir

Hvalveiðar

Leyfisveiting á ekki að byggja á pólitískum grunni

• Hefði hugsanlega átt að veita leyfið fyrr
• „Umsagnarferlinu var lokið“
• DÍS kvartar til umboðsmanns Alþingis
• Fagnar ákvörðun Bjarna

» Fleiri tengdar fréttir