Bifhjólafólkið Ýr og Óli mættu niður á Reykjavíkurhöfn í morgun til þess að sýna mótmælendunum sem hafa komið sér fyrir í möstrum tveggja hvalveiðiskipa stuðning.

„Við viljum stoppa þetta helvítis blóðdráp á hvalveiðum. Þeir eru ekki búnir að fara á nein námskeið, þeir eru ekki komnir með ný tæki og þeir eru ekki komnir með neitt aukið eftirlit. Þeir eru bara í ruslinu hérna og reyna að græða á þessu.

Svo skilja þeir kálfana eftir móðurlausa og drepa mæðurnar á viðbjóðslegan máta,“ segir Ýr við blaðamann mbl.is.

Frétt af mbl.is

Vonar að mótmælandinn nái að „halda nógu lengi út“

Óli bætir við að hvalveiðar Kristjáns Loftssonar séu skýrt dæmi um „vaðandi spillingu og rugl“ þegar einn milljarðamæringur fær af einhverjum geðþótta að stunda hvalveiðar.

„Stærstur hluti þjóðarinnar kærir sig ekkert um þetta. Hann fær að vaða uppi með þessa vitleysu því hann á nógu djöfulli mikinn pening og nógu djöfulli marga vini,“ segir Óli.

Frétt af mbl.is

Málað yfir málningu mótmælenda

Tengdar fréttir

Hvalveiðar

„Þá sáum við að hvalur lá þvert yfir peruna“

• „Fólkið á Íslandi styður okkur“
• Ákærðar fyrir mótmæli í hvalveiðiskipum Hvals
• „Er kannski á leiðinni til okkar í hvalstöðina“
• „Ég var stöðugt að reyna að reka á eftir þessu“

» Fleiri tengdar fréttir

• Blogga um frétt