Hvalveiðibátarnir Hvalur 8 og Hvalur 9 hafa verið í kastljósi fjölmiðla í nær allan dag. Ástæðan er vera tveggja mótmælenda sem klifrað hafa upp í krákuhreiður skipanna í þeim tilgangi að mótmæla veiðum Íslendinga á langreyðum. Hefur m.a. verið bein útsending frá mótmælunum með hljóðupptöku. Á henni heyrðust mótmælendurnir ræða sín á milli um langreyðar og að þeir hafi í raun aldrei séð slíka hvalategund áður.

Þegar annar mótmælandinn spurði hinn hvort hann hafi séð lifandi langreyði var svarið stutt og skýrt: „Nei“. Sagðist þá sá sem spurði ekki heldur hafa séð lifandi langreyði. Bætti svo við að gaman væri að sjá slíka hvalategund einhvern tímann á lífsleiðinni.

Skömmu áður en þetta samtal átti sér stað hrósuðu mótmælendurnir sjálfum sér fyrir úthaldið um borð í skipunum.

Nokkur fjöldi lögreglumanna er enn á vettvangi og fylgist rólegur með því sem fyrir augum ber. Auk þeirra eru fremur fámennur hópur hvalavina viðstaddur. Og sagði einn þeirra ástæðuna fyrir fámenninu vera „leti Íslendinga“. Þeir nenntu ekki að mótmæla annars staðar en heima í stofu.  

Frétt af mbl.is

Lögreglan girðir af stærra svæði

Tengdar fréttir

Hvalveiðar

„Þá sáum við að hvalur lá þvert yfir peruna“

• „Fólkið á Íslandi styður okkur“
• Ákærðar fyrir mótmæli í hvalveiðiskipum Hvals
• „Er kannski á leiðinni til okkar í hvalstöðina“
• „Ég var stöðugt að reyna að reka á eftir þessu“

» Fleiri tengdar fréttir

• 1 blogg um fréttina

Bloggað um fréttina

• Ingólfur Sigurðsson: Fyrirsjáanlegur fréttaflutningur af mótmælum gegn hvalveiðum