Yfir 60 mögulegir strokulaxar hafa borist Hafrannsóknastofnun til greiningar frá veiðimönnum og Fiskistofu frá síðustu niðurstöðum 8. september og hafa yfir 20 þeirra borist stofnuninni í gær og í dag.

Öllum sýnum hefur verið komið í erfðagreiningar hjá Matvælastofnun utan eins sýnis sem barst útibúi Hafrannsóknastofnunar á Akureyri úr meintum eldislaxi úr Fnjóská, að því er fram kemur í tilkynningu á vef Hafrannsóknastofnunar.

Staðir þar sem staðfestir eða mögulegir strokulaxar hafa veiðst og stöðu greininga þeirra. Kort/Hafrannsóknastofnun

Síðast var greint frá niðurstöðum greiningar 8. september á vef Matvælastofnunar og var þá búið að greina 27 strokulaxa. Í öllum tilvikum var um strokulaxa úr kví Arctic Sea Farm í Patreksfirði að ræða.

Fengust þessir 27 laxar í Patreksfirði (6), Örlygshöfn (2), Sunndalsá (6), Mjólká (1), Laugardalsá (1), Ísafjarðará (1), Selá í Ísafjarðardjúpi (2), Miðfjarðará (1), Hópinu (1), Víðidalsá (1), Vatnsdalsá (3), Laxá í Dölum (1) og Staðarhólsá/Hvolsá (1).

Frétt af mbl.is

Strokulaxinn er frá Arctic Sea Farm

Þakka veiðimönnum

„Í kjölfar frétta um göt á eldiskví og göngur strokulaxa í ár hvatti Hafrannsóknastofnun stangveiðimenn til að koma löxum með möguleg eldiseinkenni í greiningu hjá stofnuninni. Hafrannsóknastofnun þakkar öllum þeim sem hafa komið með fiska í greiningu og látið vitað af þeim sem eru á leiðinni,“ segir í tilkynningu Hafrannsóknatsofnunar.

Þar er jafnframt bent á að áfram sé hægt að skila inn mögulegum strokulöxum til Hafrannsóknastofnunar eða Fiskistofu. Tilgangur þess að að sliku áfram er að svo hægt verði að „fá sem besta mynd af umfangi eldislaxa í ám og dreifingu þeirra.“

Tengdar fréttir

Fiskeldi

Gjald á eldislaxinn hækkar um 60%

• Byggja fiskeldisstöð á nýju hrauni
• Seldu lax á innlendum markaði í fyrsta sinn
• „Það fylgir gríðarlegur dauði eldisdýra og slys“
• Tæp 70% andvíg sjókvíaeldi

» Fleiri tengdar fréttir

• Blogga um frétt