Bjarni fer í slipp

Haf­rann­sókn­a­skipið Bjarni Sæ­munds­son mun leggja leið sína seinna í dag til Reykjavíkur til að fara í slipp. Þar verða mögulegar skemmdir á botni skipsins metnar.

Skipið tók niðri í Tálknafirði á tí­unda tím­an­um í gær­kvöld og í dag hafa kafarar metið skemmdirnar. Fyrir klukkan 14 kláruðu kafararnir störf sín og í ljós kom að botnstykki fyrir dýptarmæla höfðu skaddast og eru nú óvirkir. 

„Það er ekki skipt um þá nema með því að lyfta skipinu,“ segir Þorsteinn Sig­urðsson, for­stjóri Haf­rann­sókn­arstofn­un­ar, í samtali við mbl.is.

Frétt af mbl.is

Bjarni Sæmundsson náðist á flot

Árni fylgir Bjarna

Skipið Árni Friðriksson mun fylgja Bjarna Sæmundssyni í siglingunni til Reykjavíkur en það skip kom úr loðnutúr í nótt.

„Við mátum það svo að það væri öruggast að skipið færi í slipp og það yrði gert við það sem þarf að gera við," segir Þorsteinn að lokum.

Frétt af mbl.is

Vita ekki hvað gerðist

Skipið var við rann­sókn­ir og stofn­vakt á grunn­slóðarrækj­unni í Arnar­f­irði og Ísa­fjarðar­djúpi. Sam­hliða var verið að sinna rann­sókn­um og vökt­un á áhrif­um fisk­eld­is. Að sögn Þor­steins voru 20 manns um borð, sex rann­sókn­ar­menn og 14 manna áhöfn.

• Blogga um frétt