Gullver kominn úr slipp og mættur á miðin

Ísfisktogarinn Gullver NS kom nýlega til heimahafnar á Seyðisfirði eftir að hafa verið í slipp á Akureyri um tíma. Skipið hélt til veiða síðdegis í gær.

Það þarf að ná í fisk fyrir vinnsluna og því verður þetta afar stuttur túr. Áformað er að við komum inn á mánudagsmorgun. Við förum líklega út á Gletting. Það má gera ráð fyrir að þar liggi fiskurinn í síldinni,“ segir Hjálmar Ólafur Bjarnason, skipstjóri á Gullver, í færslu á vef Síldarvinnslunnar.

Rýmingu var aflétt á Seyðisfirði í gær og segir í færslunni að vegna brælunnar að undanförnu hafi ekki fengist fiskur til vinnslu í frystihúsinu fyrr en Gullver landar á mánudag.

• Blogga um frétt