Samtök fyrirtækja í sjávarútvegi (SFS) eru sammála ákvörðun Hafrannsóknastofnunar um að endurmeta áhættumat erfðablöndunar, að því er fram kemur í yfirlýsngu samtakanna. Var ákvörðunin tekin vegna þeirrar stöðu sem komin hefur upp í kjölfar stroks fjölda eldislaxa úr sjókví í Patreksfirði.

Þar segjast samtökin „telja, nú sem fyrr, mikilvægt að vísindaleg ráðgjöf verði höfð að leiðarljósi þegar kemur að umfangi sjókvíaeldis á Íslandi.“

Hafrannsóknastofnun framkvæmir áhættumat reglulega og áætlar hversu mikið af eldislaxi geti gengið upp í ár án þess að skaða villta laxastofninn. Fyrr í dag kynnti stofnunin að  vísindamenn hennar myndu endurskoða drög að áhættumati vegna fiskeldis. Samráðsnefnd um fiskeldi var því beðin um að fresta frekari umræðum um áhættumatið þar til ný drög lægju fyrir.

Frétt af mbl.is

Skoða hvort refsiákvæði eigi við

Mikill fjöldi eldislaxa komust úr sjókví í Patreksfirði í ágúst og hafa undanfarnar vikur gengið í ár og margir reynst kynþroska. „Umfang og áhrif þess eru ekki enn ljós og því eðlilegt að fresta nýjum drögum að áhættumati þar til öll kurl eru komin til grafar. Á meðan unnið er að nýju áhættumati heldur núverandi mat gildi sínu.“

Kveðjast samtökin taka undir ákvörðun Hafrannsóknastofnunar „og treysta því að vísindamenn nýti öll gögn, raunvöktun og aðrar mælingar til að meta með bestum hætti hvert áhættumat erfðablöndunar fyrir fiskeldi á Íslandi skal vera – til verndar villta laxastofninum.“

Tengdar fréttir

Fiskeldi

Seldu lax á innlendum markaði í fyrsta sinn

• „Það fylgir gríðarlegur dauði eldisdýra og slys“
• Tæp 70% andvíg sjókvíaeldi
• Vekja athygli á „ógnvekjandi grimmd“
• Lúsasýkingin kostar Arnarlax hátt í milljarð

» Fleiri tengdar fréttir

• Blogga um frétt