Vinnslustöðin lætur byggja 5.600 fermetra hús

Breytingar verða gerðar á húsnæði Vinnslustöðvarinnar í Vestmannaeyjum.
Breytingar verða gerðar á húsnæði Vinnslustöðvarinnar í Vestmannaeyjum. mbl.is/Óskar Pétur Friðriksson

Bygging nýs 5.600 fermetra húsnæði fyrir Vinnslustöðina í Vestmananeyjum er að hefjast á Vinnslustöðvarreitnum. Um er að ræða tveggja hæða hús og verður saltfiskvinnsla á neðri hæð og innvigtun uppsjávarafla á efri hæð. Gert er ráð fyrir að saltfiskvinnslan hefjist í nýju húsnæði á vetrarvertíðinni 2025.

Nýbyggingin verður L-laga, að hluta í gamla þróarrýminu sem snýr út að Hafnargötu í krikanum þar sem er nýlegur aðalinngangur Vinnslustöðvarinnar, að því er fram kemur á vef Vinnslustöðvarinnar.

„Við erum núna að hreinsa út úr húsunum og byrjum að rífa þökin einhvern næstu daga. Gamlir útveggir þróarinnar verða notaðir áfram en steypt nýtt milligólf og öðru breytt eins og þurfa þykir. Þegar þar að kemur fer mikill tækjabúnaður inn á gólf efri hæðar. Þar verður innvigtun uppsjávarafla, flokkun og flökun sem uppfyllir allar kröfur í nýrri reglugerð þar að lútandi,“ er haft eftir Willum Andersen, tæknilegum rekstrarstjóra útgerðarinnar.

Nýtt húsnæði Vinnslustöðvarinnar verður yfir fimm þúsund fermetrar.
Nýtt húsnæði Vinnslustöðvarinnar verður yfir fimm þúsund fermetrar. Mynd/Vinnslustöðin

Auðveldar síðari uppbyggingu

Ekki hefur verið horfið frá ákvörðun aðalfundar 2023 um að fresta framkvæmdum sem samþykktar voru á aðalfundi 2022 er snéru að því að rífa gömlu húsin þar sem starfrækt er bolfiskvinnsla og gömlu verbúðina á efri hæð en reisa í staðinn átta þúsund fermetra hús í áföngum svo unnt yrði að halda þar gangandi vinnslu á framkvæmdatímanum.

Var framkvæmdum frestað „í varúðarskyni vegna alþjóðlegs óvissuástands í efnahagsmálum með tilheyrandi áhrifum á starfsemi fjármálastofnana erlendis og hérlendis.“ Nýbygging mun hins vegar rísa þar sem loðnuþrærnar eru nú og saltfiskvinnslan færist þangað. „Þar með verður auðveldara en ella að rífa gamla bolfiskhúsið og reisa nýtt í staðinn, hvenær svo sem að því kemur.“

T.ark arkitektar í Reykjavík sjá um hönnun nýja hússins.

Eykt ehf. verður aðalverktaki. Eykt er öflugt þekkingarfyrirtæki í byggingariðnaði og hefur annast stórframkvæmdir fyrir Vinnslustöðina undanfarin ár við nýja uppsjávarhúsið, tengibygginguna, mjölhúsið og frystigeymsluna á Eiði.

Húsið verður L-laga.
Húsið verður L-laga. Mynd/Vinnslustöðin

Æfingasvæði handbolta

Fram kemur að loðnuþrærnar hafi gegnt mikilvægu hlutverki í sögu Vinnslustöðvarinnar en bent á að þær eigi einnig hlutverki að gegna í íþróttasögu Vestmannaeyja.

Var í bók sem gefin var út árið 2016 í tilefni af sjötugsafmæli VSV haft eftir Ingibjörgu Finnbogadóttur, starfsmanni fyrirtækisins til áratuga: „Ég æfði handbolta og keppti með Tý. Eitt sumarið var æfingarsvæðið opin hráefnisþró Fiskimjölsverksmiðjunnar og því einungis yfir götu að fara úr Vinnslustöðinni beint á æfingu. Þá styrktust upphandleggsvöðvarnir verulega og ég varð fyrir vikið býsna skothörð um þær mundir!“

mbl.is
Afurð Dags. Meðalverð
Þorskur, óslægður 4.12.23 475,94 kr/kg
Þorskur, slægður 4.12.23 435,60 kr/kg
Ýsa, óslægð 4.12.23 237,24 kr/kg
Ýsa, slægð 4.12.23 200,67 kr/kg
Ufsi, óslægður 4.12.23 242,95 kr/kg
Ufsi, slægður 4.12.23 246,34 kr/kg
Djúpkarfi 20.10.23 253,00 kr/kg
Gullkarfi 4.12.23 228,70 kr/kg
Litli karfi 16.11.23 10,00 kr/kg
Blálanga, óslægð 4.12.23 10,00 kr/kg

Fleiri tegundir »

4.12.23 Sisimiut GR 6 - 18 (OXVQ) GL 999 Botnvarpa
Þorskur 570.799 kg
Arnarfjarðarskel 202.440 kg
Ufsi 2.103 kg
Grálúða 923 kg
Samtals 776.265 kg
4.12.23 Sandfell SU 75 Lína
Ýsa 8.478 kg
Þorskur 1.583 kg
Keila 270 kg
Hlýri 16 kg
Karfi 7 kg
Samtals 10.354 kg
4.12.23 Háey Ii Lína
Þorskur 3.949 kg
Ýsa 1.269 kg
Hlýri 4 kg
Keila 2 kg
Karfi 1 kg
Steinbítur 1 kg
Samtals 5.226 kg

Skoða allar landanir »

Afurð Dags. Meðalverð
Þorskur, óslægður 4.12.23 475,94 kr/kg
Þorskur, slægður 4.12.23 435,60 kr/kg
Ýsa, óslægð 4.12.23 237,24 kr/kg
Ýsa, slægð 4.12.23 200,67 kr/kg
Ufsi, óslægður 4.12.23 242,95 kr/kg
Ufsi, slægður 4.12.23 246,34 kr/kg
Djúpkarfi 20.10.23 253,00 kr/kg
Gullkarfi 4.12.23 228,70 kr/kg
Litli karfi 16.11.23 10,00 kr/kg
Blálanga, óslægð 4.12.23 10,00 kr/kg

Fleiri tegundir »

4.12.23 Sisimiut GR 6 - 18 (OXVQ) GL 999 Botnvarpa
Þorskur 570.799 kg
Arnarfjarðarskel 202.440 kg
Ufsi 2.103 kg
Grálúða 923 kg
Samtals 776.265 kg
4.12.23 Sandfell SU 75 Lína
Ýsa 8.478 kg
Þorskur 1.583 kg
Keila 270 kg
Hlýri 16 kg
Karfi 7 kg
Samtals 10.354 kg
4.12.23 Háey Ii Lína
Þorskur 3.949 kg
Ýsa 1.269 kg
Hlýri 4 kg
Keila 2 kg
Karfi 1 kg
Steinbítur 1 kg
Samtals 5.226 kg

Skoða allar landanir »