Laxavinnsla er hafin að nýju í Búlandstindi ehf. á Djúpavogi eftir níu mánaða hlé að því er fram kemur í Morgunblaðinu í dag. ISA-veira greindist í kvíum Ice Fish Farm í Reyðarfirði og Berufirði á síðasta ári og var öllum laxi úr þeim fjörðum slátrað, firðirnir hvíldir og nauðsynlegar ráðstafanir gerðar vegna veirunnar.

Eldisfiskur er nú kominn í kvíar í Reyðarfirði, Fáskrúðsfirði og Berufirði og er það lax úr Fáskrúðsfirði sem er verið að slátra núna. Það er fiskur sem var settur í sjó í júní á síðasta ári og er nú kominn í sláturstærð. Alls er áformað að slátra milli 5.500-6.000 tonnum til áramóta, segir Jens Garðar Helgason, aðstoðarforstjóri Ice Fish Farm.

Frétt af mbl.is

Tæma Reyðarfjörð eftir að veira greindist í laxi

Fiskeldismál voru til umfjöllunar á haustþingi Sambands sveitarfélaga á Austurlandi sem haldið var fyrir helgina. Þar var reifað að renna þyrfti styrkari stoðum undir tekjustofna sveitarfélaga. Útgjöld sveitarfélaga haldi áfram að vaxa, sem og kröfur sem gerðar eru til þeirra í fjölmörgum málaflokkum. Sveitarfélögin þurfi að njóta meiri hlutdeildar af nýtingu náttúruauðlinda og gjöldum á fiskeldi. Sömuleiðis þurfi sveitarfélög að hafa skipulagsvald yfir víkum og fjörðum og meira forræði yfir gjaldtöku hins opinbera t.d. af fiskeldi.

Tengdar fréttir

Fiskeldi

Gjald á eldislaxinn hækkar um 60%

• Byggja fiskeldisstöð á nýju hrauni
• Seldu lax á innlendum markaði í fyrsta sinn
• „Það fylgir gríðarlegur dauði eldisdýra og slys“
• Tæp 70% andvíg sjókvíaeldi

» Fleiri tengdar fréttir