Segja hreinsunarbúnað mengunarvald
Setja bókamerki
Útblásturshreinsibúnaður skipa sem brenna svartolíu, svokallaður vothreinsibúnaður (e. scrubber), sem nýttur er í þeim tilgangi að koma í veg fyrir loftmengun, veldur verulegri mengun í höfnum í Evrópu. Má gera ráð fyrir að meira en 90% af skaðlegum efnum, þar á meðal þrávirkum PAH-efnum, megi rekja til losunar hreinsunarbúnaðarins, að því er fram kemur í umfjöllun Morgunblaðsins.
Þetta er niðurstaða vísindamanna við Chalmers-tækniháskólans í Gautaborg í Svíþjóð.
„Þessi rannsókn sýnir að það er umtalsvert mengunarálag af málmum og PAH frá skipum í höfnum og að stór hluti mengunarinnar dreifist í nærliggjandi umhverfi. Þess vegna er þörf á heildrænu mati á rekstri skipa til að gera sér fulla grein fyrir áhrifum á lífríki hafsins,“ segir í grein vísindamannanna sem birt var fyrr á árinu í vísindatímaritinu Marine Pollution Bulletin.
„Niðurstöðurnar tala sínu máli. Strangar reglur um losun hreinsivatns geta skipt sköpum fyrir lífríki sjávar,“ er haft eftir Önnu Lunde Hermannsson, doktorsnema við véla- og siglingafræðideild Chalmers, á vef háskólans.
Í grein vísindamannanna kemur fram að mengunin safnist mest upp í höfnum þar sem lítil hreyfing er á sjónum, þar sem lítill munur er á flóði og fjöru, eins og einkennir sérstaklega Eystrasaltið. Það takmarkar þó ekki umhverfisáhrifin að sögn Lunde Hermannsson.
Umfjöllunina í heild má lesa í Morgunblaðinu í dag.
/frimg/1/56/94/1569484.jpg)
Nefnd um eftirlit bíður eftir gögnum
100 milljóna svik koma ekki á óvart
Börn með alvarlegri vanda bíða lengur
1,5 milljarðar í endurgreiðslur í ár
Hafa „líklega drepið“ leiðtoga Hamas
/frimg/1/56/94/1569482.jpg)
Óvíst hvort VG bjóði fram í borginni
Stórauka flutningsgetu á heitu vatni