Stjórnendur Þorbjarnar í Grindavík hafa óskað eftir því við almannavarnir að fá aðgang að kæligeymslum fyrirtækisins í því skyni að nálgast afurðir sem fara eiga í sölu. „Í geymslunum er fiskur sem ætlunin er að koma til kaupenda okkar erlendis. Þetta er vara sem á að seljast fyrir jólin,“ sagði Gunnar Tómasson forstjóri Þorbjarnarins í samtali við Morgunblaðið í gærdag.

Þrjú af fjórum skipum Þorbjarnar eru nú á sjó og ekki komin á löndunardag. Gunnar segist gera ráð fyrir að ef Grindavík verður áfram lokuð þegar landa skal verði farið í Grundarfjörð eða Djúpavog, en það hefur stundum gerst ef skip Þorbjarnar eru að koma af miðum nærri nefndum stöðum. 

Lesa má meira um málið í Morgunblaðinu í dag. 

Tengdar fréttir

Eldvirkni á Reykjanesskaga

Svartsengi færðist til um heilan metra

• Vinna hörðum höndum að finna varanlegt húsnæði
• Skjálftavirkni stöðug milli daga
• Kunna að hafa stækkað æðina
• Hallast ekki lengur að gosi

» Fleiri tengdar fréttir