Sprungin eldisker og rafmagnsleysi
Unnið var að því að bjarga verðmætum úr fiskvinnsluhúsum í Grindavík þegar heimild var gefin út til að fara inn í bæinn.
mbl.is/Eggert Jóhannesson
Setja bókamerki
Talsvert tjón varð hjá fiskeldisfyrirtækinu Matorku ehf. í jarðskjálftunum sem riðu yfir á föstudagskvöld og aðfaranótt laugardags, en fyrirtækið framleiðir bleikju í eldisstöð sinni við Grindavík.
Fyrirtækið er með tólf stór eldisker og sex minni þar sem bleikja er í áframeldi og urðu tvö þeirra illa úti, sprungur mynduðust í kerunum með þeim afleiðingum að vatn lak úr þeim og fiskur drapst. Einnig fór rafmagn af stöðinni og er hún nú knúin með rafmagni frá vararafstöðvum félagsins.
„Jarðskjálftarnir léku nokkur keranna okkar ansi illa og svo urðum við rafmagnslaus, þannig að ástandið er alvarlegt,“ segir Árni Páll Einarsson, framkvæmdastjóri vinnslu og sölu, í samtali við Morgunblaðið.
Lesa má meira um málið í Morgunblaðinu í dag.
