Vara við stórstreymi og stormi

Landhelgisgæsla Íslands hvetur til að hugað verði að skipum og bátum í höfnum og varar við stórstreymi á morgun, en sjávarstaða verður há næstu daga.

Í færslu á Facebook-síðu stofnunarinnar er bent á að samhliða þessu gera veðurspár ráð fyrir suðvestan stormi á öllum miðum og djúpum ásamt mikilli ölduhæð suður og vestur af landinu.

Hvetur Landhelgisgæslan til þess að sýnd verði aðgát við ströndina þar sem áhrifa sjógangs og aukinnar sjávarhæðar gætir.

Veðurstofan hefur gefið út gular viðvaranir á sunnan- og vestanverðu landinu. Má því reikna með þungu brimi við ströndina auk þess sem áhlaðandi vegna veðurs og sjólags auki enn frekar við sjávarhæð sunnan- og vestanlands.

Kort/Vegagerðin

• Blogga um frétt