Fiskuðu frá Örvæntingu á Herðablað

Gullver NS landaði rúmlega 107 tonnum á Seyðisfirði í gær og var fiskurinn af bestu sort, að sögn Hjálmars Ólafs Bjarnasonar skipstjóra. Aflinn var mest þorskur eða um 85 tonn og síðan um 20 tonn af ýsu.

„Hún gekk nokkuð vel,“ segir Hjálmar Ólafur í færslu á vef Síldarvinnslunnar um veiðiferðina. „Við vorum mest að fiska við Fótinn, frá Örvæntingu og norður á Herðablað.“ Vísar hann með orðum sínum til fiskimiða austur af landinu sem eru við vestanvert Rauðatorg.

Það þurfti að elta fiskinn talsvert á svæðinu en það var góð veiði nánast allan tímann. Fiskurinn sem þarna fékkst var hinn fínasti. Við fórum út fljótlega eftir löndin því við vildum hefja veiðar áður en brældi, en hann spáði hundleiðinlegu veðri,“

Gullver hélt til veiða í ný síðdegis í gær og er veiðiferðin sú síðasta áður en haldið verður í marsrall Hafrannsóknastofnunar, það er að segja stofnmælingar vísindamanna að vori.

• Blogga um frétt