Maí góður mánuður fyrir mjöl og lýsi

Flutt var út fiskimjöl fyrir 5,3 milljarða króna í maí …
Flutt var út fiskimjöl fyrir 5,3 milljarða króna í maí sem er fimmtungi meira en í sama mánuði í fyrra. Ljósmynd/Síldarvinnslan

Maí var góður mánuður fyrir framleiðendur fiskimjöls og lýsis hér á landi en útflutningsverðmæti fiskimjöls nam 5,3 milljörðum króna sem er fimmtungur meira en í sama mánuði í fyrra og útflutningsverðmæti lýsis var 1,7 milljarður sem er 34% aukning frá maí 2023.

Þetta er meðal þess sem fram kemur í bráðabirgðatölum Hagstofu Íslands og fjallað er um í greiningu Radarsins.

Þrátt fyrir myndarlega aukningu í maí er hins vegar 24% samdráttur í útflutningsverðmætum fiskimjöls ef litið er til fyrstu fimm mánaða og er í greiningunni bent á að loðnubresturinn kunni að hafa haft afgerandi áhrif í þessu samhengi.

Vert er þó að geta þess að á fyrstu fimm mánuðum jókst útflutningsverðmæti lýsis um 18% en loðna hefur einnig nýst í lýsisgerð. Mikil aukning í kolmunnakvóta hefur líklega vegið upp á móti loðnubrestinum, en íslensku skipin hafa landað gríðarlegu magni auk þess sem norsk og færeysk skip hafa einnig landað kolmunna á Íslandi í vetur.

Hækkun í fleiri vöruflokkum

Í maí varð einnig aukning í útflutningsverðmætum saltaðra og þurrkaðra afurða og námu verðmætin 4 milljörðum króna sem er 18% meira en í maí í fyrra. Útflutningsverðmæti frystra flaka endaði í 7,1 milljarði sem er 10% meira en í sama mánuði á síðasta ári.

Heilt yfir endaði útflutningsverðmæti sjávarafurða í maí í 35 milljörðum króna og hefur því átt sér stað 3,5% aukning frá maí 2023 í krónum talið en þar sem lítil breyting hefur verið á gengi krónunnar er aukningin í erlendri mynt 4%, að því er segir í greiningunni.

Þrátt fyrir jákvæða þróun í fleiri vöruflokkum er 42% samdráttur í útflutningsverðmætum rækju, 24% samdráttur í heilfrystum fiski og 2% samdráttur í ferskum afurðum.

Mynd/Radarinn

Áberandi áhrif loðnubrests

Útflutningsverðmæti sjávarafurða á fyrstu fimm mánuðum ársins 2024 nemur 146 milljörðum króna sem er 1,5% minna en á sama tímabili á síðasta ári að teknu tilliti til gengisbreytinga.

Í greiningu Radarsins segir að samdráttinn megi „fyrst og fremst rekja til tveggja afurðaflokka, þ.e. heilfrysts fisks (-31%) og svo fiskimjöls (-24%). Í báðum þessum flokkum voru loðnuafurðir, þ.e. loðnumjöl og heilfryst loðna, fyrirferðarmiklar í fyrra. Það er því engum vafa undirorpið að loðnubrestur setur svip sinn á útflutningstekjur í ár. Eins er töluverður samdráttur í útflutningsverðmæti rækju á milli ára (-19%), en vægi hennar er ekki mikið í heildarsamhenginu.“

Þá eykst útflutningsverðmæti ferskra afurða um 10% á tímabilinu, saltaðra og þurrkaðra afurða um 8% og frystra flaka um 1%.

Verðmæti afurða undir heitinu „aðrar sjávarafurðir“ eykst um 4%. „Þar undir teljast meðal annars loðnuhrogn. Reikna má með að einhver útflutningur hafi verið á loðnuhrognum nú í maí líkt og undanfarna mánuði frá síðustu vertíð. Enda var metframleiðsla á hrognum í loðnuvertíðinni í fyrra, sem að stórum hluta eru enn eftir í birgðum hér á landi,“ segir á Radarnum.

Mynd/Radarinn
mbl.is
Fleira áhugavert
Afurð Dags. Meðalverð
Þorskur, óslægður 12.7.24 360,64 kr/kg
Þorskur, slægður 12.7.24 172,00 kr/kg
Ýsa, óslægð 12.7.24 309,77 kr/kg
Ýsa, slægð 12.7.24 117,00 kr/kg
Ufsi, óslægður 12.7.24 179,89 kr/kg
Ufsi, slægður 12.7.24 22,00 kr/kg
Djúpkarfi 21.6.24 304,40 kr/kg
Gullkarfi 12.7.24 415,86 kr/kg
Litli karfi 8.7.24 7,00 kr/kg
Blálanga, óslægð 1.7.24 106,00 kr/kg

Fleiri tegundir »

13.7.24 Eyrarröst ÍS 201 Handfæri
Þorskur 1.384 kg
Samtals 1.384 kg
13.7.24 Hrefna ÍS 267 Landbeitt lína
Ýsa 2.712 kg
Þorskur 1.330 kg
Steinbítur 1.015 kg
Skarkoli 415 kg
Langa 17 kg
Samtals 5.489 kg
13.7.24 Þorlákur ÍS 15 Dragnót
Skarkoli 1.710 kg
Þorskur 272 kg
Samtals 1.982 kg
13.7.24 Hávella ÍS 426 Sjóstöng
Þorskur 123 kg
Samtals 123 kg

Skoða allar landanir »

Fleira áhugavert
Afurð Dags. Meðalverð
Þorskur, óslægður 12.7.24 360,64 kr/kg
Þorskur, slægður 12.7.24 172,00 kr/kg
Ýsa, óslægð 12.7.24 309,77 kr/kg
Ýsa, slægð 12.7.24 117,00 kr/kg
Ufsi, óslægður 12.7.24 179,89 kr/kg
Ufsi, slægður 12.7.24 22,00 kr/kg
Djúpkarfi 21.6.24 304,40 kr/kg
Gullkarfi 12.7.24 415,86 kr/kg
Litli karfi 8.7.24 7,00 kr/kg
Blálanga, óslægð 1.7.24 106,00 kr/kg

Fleiri tegundir »

13.7.24 Eyrarröst ÍS 201 Handfæri
Þorskur 1.384 kg
Samtals 1.384 kg
13.7.24 Hrefna ÍS 267 Landbeitt lína
Ýsa 2.712 kg
Þorskur 1.330 kg
Steinbítur 1.015 kg
Skarkoli 415 kg
Langa 17 kg
Samtals 5.489 kg
13.7.24 Þorlákur ÍS 15 Dragnót
Skarkoli 1.710 kg
Þorskur 272 kg
Samtals 1.982 kg
13.7.24 Hávella ÍS 426 Sjóstöng
Þorskur 123 kg
Samtals 123 kg

Skoða allar landanir »