„Þurfum að taka skólann inn í nútímann“

Háskólinn á Hólum ætlar að hefja framkvæmdir á 5.000 fm …
Háskólinn á Hólum ætlar að hefja framkvæmdir á 5.000 fm háskólabyggingu á Sauðárkróki í haust. mbl.is/Sigurður Bogi

Háskólinn á Hólum áformar að hefja byggingu á sérhæfðu kennslu- og rannsóknarhúsnæði í lagareldi sem og sjávar- og ferskvatnslíffræði á Sauðárkróki í haust. Verkefnið er þegar fullfjármagnað og verður byggingin allt að 5.000 fermetrar.

Blaðamaður sló á þráðinn til Hólmfríðar Sveinsdóttur, rektors Háskólans á Hólum, og spurði hana út í þessar fyrirhuguðu framkvæmdir.

„Verkefnið er sem stendur núna í forathugunarfasa. Búið er að gera rýmisathugun sem er svona þarfagreining og núna er verkefnið í kostnaðarmati hjá Framkvæmdasýslunni. Við eigum von á skýrslu mjög fljótlega um heildarkostnað á byggingunni,“ segir Hólmfríður.

Stefna á framkvæmdir í haust

Hvenær er svo áætlað að bygging geti hafist?

„Við erum að horfa á haustið, kannski í október eða nóvember,“ svarar Hólmfríður en að verkefninu sé skipt upp í tvo fasa og byrjað verði á þeim fyrri.

„Það liggur svo rosalega mikið á þessu lagareldishúsi, sem er ekki til staðar á Íslandi. Þetta er rannsóknar- og kennsluhúsnæði þar sem aðgangur að sjó og fersku vatni er til staðar. Þannig að við erum að leggja allt kapp á að það komi upp sem fyrst.“

Hún sér fyrir sér að hægt verði að byrja að kenna í þessari nýju byggingu á haustönn 2025 ef áætlanir ganga eftir. Næsti fasi færi svo í gang á næsta ári en að búið sé að fjármagna hann að hluta.

Nú þegar liggur fyrir fullfjármögnun á fyrsta fasa, eldisrýminu, en það var samþykkt á fjárhagsáætlun ríkisstjórnarinnar fyrir árin 2025-2026.

Einnig segir í nefndaráliti fjárlaganefndar um fjármálaáætlun fyrir árin 2025-2029 að horfa þurfi til þess að fullfjármagna fasa tvö.

„Við fengum að gjöf Hólalax í Hjaltadal en þar er bara ferskt vatn svo ekki er hægt að nota það húsnæði, svo það verður selt til að fjármagna uppbyggingu á Hólum,“ segir Hólmfríður.

Vill aðgreina staðarhaldið og skólastarfsemina

Hún segist hafa barist fyrir því að aðgreina staðarhaldið á Hólum frá skólastarfseminni og skýra hlutverkin betur. Vísar hún til íbúðarþjónustu, ferðaþjónustu, vígslubiskupsembættisins, háskólans og sögu- og menningarstaðarins Hóla.

„Ég er að berjast fyrir því að skólastarfsemin fari alfarið niður á hesthúsasvæðið þar sem hestafræðideildin er, þannig að staðurinn sjálfur, Hólar, verði meira sögu- og menningarstaður, áfangastaður fyrir ferðamenn, því þar er mikið af minjum sem þarf að halda við og eru merkilegar en það þarf að vera inni í okkar fjármögnun ef við eigum að standa undir því.“

Síðan kemur þessi nýja bygging á Sauðárkróki þannig að skólinn verður þar með á tveimur stöðum í Skagafirði eins og hann var þegar hann var með húsnæði á Sauðárkróki, áður en samningurinn rann út í ágúst í fyrra.

Hvernig hafið þið brúað bilið eftir að þið misstuð húsnæðið á Sauðárkróki?

„Bæði hefur dregið úr rannsóknum sem þarfnast sjávar og svo höfum við líka fengið að fara með nemendur út í eldisstöðvarnar sjálfar, út í iðnaðinn. Við höfum mikið verið með svokallaðar lotur, þegar nemendur hafa verið að koma í kennslulotur þá höfum við verið að fara með hópana þangað.“

Hólmfríður segir aðsóknina í námið svo mikla að fyrirtækin eigi orðið erfitt með að taka á móti svona mörgum nemendum.

Spurð hvað skýri þessa miklu aðsókn segir Hólmfríður að mikill vöxtur sé í lagareldi og því sé mikill skortur á fólki fyrirsjáanlegur. Það væru um 700 til 800 stöður sem þyrfti að manna á næstu árum bara til að standa undir þessum vexti.

Þrennt sem eflir skólann

Að sögn Hólmfríðar er það einkum þrennt sem þurfi til að efla Háskólann á Hólum: Það er samstarf við öflugan háskóla og það hafa þau sannarlega með myndun háskólasamstæðu með Háskóla Íslands.

Síðan er það aðgreining á staðarhaldi og skólastarfi á Hólum og loks uppbygging á kennslu- og rannsóknahúsnæði fyrir skólann. Hún segir að skólinn hafi verið við það að verða húsnæðislaus því gamla skólabyggingin sé mygluð.

Hólmfríður segir mikilvægt í nútímasamfélagi að hafa svona sérhæfingu eins og Háskólinn á Hólum bjóði upp á.

„Við getum ekki haft allt saman í einum hrærigraut. Við þurfum svolítið að taka skólann inn í nútímann, en hann er á rosalega góðum grunni. Þetta er auðvelt af því að fyrirrennarar mínir hafa unnið svo gott starf. Við erum líka að stækka kökuna með því að fara inn í háskólasamstæðu við HÍ.“

mbl.is
Fleira áhugavert
Afurð Dags. Meðalverð
Þorskur, óslægður 12.7.24 360,64 kr/kg
Þorskur, slægður 12.7.24 172,00 kr/kg
Ýsa, óslægð 12.7.24 309,77 kr/kg
Ýsa, slægð 12.7.24 117,00 kr/kg
Ufsi, óslægður 12.7.24 179,89 kr/kg
Ufsi, slægður 12.7.24 22,00 kr/kg
Djúpkarfi 21.6.24 304,40 kr/kg
Gullkarfi 12.7.24 415,86 kr/kg
Litli karfi 8.7.24 7,00 kr/kg
Blálanga, óslægð 1.7.24 106,00 kr/kg

Fleiri tegundir »

13.7.24 Eyrarröst ÍS 201 Handfæri
Þorskur 1.384 kg
Samtals 1.384 kg
13.7.24 Hrefna ÍS 267 Landbeitt lína
Ýsa 2.712 kg
Þorskur 1.330 kg
Steinbítur 1.015 kg
Skarkoli 415 kg
Langa 17 kg
Samtals 5.489 kg
13.7.24 Þorlákur ÍS 15 Dragnót
Skarkoli 1.710 kg
Þorskur 272 kg
Samtals 1.982 kg
13.7.24 Hávella ÍS 426 Sjóstöng
Þorskur 123 kg
Samtals 123 kg

Skoða allar landanir »

Fleira áhugavert
Afurð Dags. Meðalverð
Þorskur, óslægður 12.7.24 360,64 kr/kg
Þorskur, slægður 12.7.24 172,00 kr/kg
Ýsa, óslægð 12.7.24 309,77 kr/kg
Ýsa, slægð 12.7.24 117,00 kr/kg
Ufsi, óslægður 12.7.24 179,89 kr/kg
Ufsi, slægður 12.7.24 22,00 kr/kg
Djúpkarfi 21.6.24 304,40 kr/kg
Gullkarfi 12.7.24 415,86 kr/kg
Litli karfi 8.7.24 7,00 kr/kg
Blálanga, óslægð 1.7.24 106,00 kr/kg

Fleiri tegundir »

13.7.24 Eyrarröst ÍS 201 Handfæri
Þorskur 1.384 kg
Samtals 1.384 kg
13.7.24 Hrefna ÍS 267 Landbeitt lína
Ýsa 2.712 kg
Þorskur 1.330 kg
Steinbítur 1.015 kg
Skarkoli 415 kg
Langa 17 kg
Samtals 5.489 kg
13.7.24 Þorlákur ÍS 15 Dragnót
Skarkoli 1.710 kg
Þorskur 272 kg
Samtals 1.982 kg
13.7.24 Hávella ÍS 426 Sjóstöng
Þorskur 123 kg
Samtals 123 kg

Skoða allar landanir »