Rakst á borgarísjaka í mikilli þoku

Grænlenski frystitogarinn Tuugaalik skemmdist töluvert nýverið er hann rakst á borgarísjaka í mikilli þoku við veiðar milli Grænlands og Íslands. Skipið er einn nýjasti og glæsilegasti frystitogari landsins með 24 manna áhöfn.

Elías Kristjánsson, umboðsmaður Tuugaalik á Íslandi, segir að þrátt fyrir áreksturinn hafi engin slys orðið á áhöfninni.

Að sögn Elíasar varð áreksturinn á miðunum fyrir austan Grænland. Fyrir utan þær skemmdir sem sjást vel á stefni skipsins bakborðsmegin urðu engar teljandi skemmdir aðrar.

Fulltrúi tryggingafélags og skoðunarfélags hefur skoðað skemmdirnar en skipið liggur hér í Hafnarfjarðarhöfn í gær. mbl.is/Eggert Jóhannesson

Ekkert við áhöfnina að sakast

„Reyndur færeyskur skipstjóri er um borð og ekkert við áhöfnina að sakast, heldur er hér um mannleg mistök að ræða. Það verður farið í fullnaðarviðgerð miðað við þær kröfur sem skoðunarfyrirtækið gerir og við reiknum með að fá bráðabirgðaleyfi til að klára túrinn,“ segir Elías. 

Tuugaalik er gert úr frá Nuuk og landar reglulega í Hafnarfirði.

mbl.is/Eggert Jóhannesson